1 Jon 2:11 - Aria New Testament

¹¹ E gute ka aitno engil ke iye sisrok dong ke aivoro e lila ke aivoro. E iye ile itau ke omur ka iye la ine kovok kesua iye dong ke aivoro e dong langka bitna evin.

1 Jon 2:11 ပူးပေါင်းရင်းမြစ်များ

Jon 12:35

Deka Yesus wai ke isak langane. “Bublongon dong dau sasi boto vala kap umu e umelila alo ka bublongon dong kap umu. Umelila ke bublongon lama epmes polou e omur aivoro kesua gute ka lila ke aivoro ile omur ka iye lila ine kovok.

Jon 12:40

“Ida Tapolngon due amtarsak evin ma tikaranga tivati omur kovok. E iye pono aitno lisak ma ti-karanga tile itau kovok. Lama tibauluk aitno lisak ke ngong e ngadue isak tidong itau blang.”

2 Korin 3:14

E bara lisak pono e tikaranga tile itau kovok. E alo ari lila me ke eknikane alo ka tiritim Moses ila sogongon langka wan dau pono bara lisak. Krais vala karanga pi wan are la.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

2 Pita 1:9

E langka elio tonari dong ke gute kene kovok deka ane langka bitna evin e iye karanga vati itau kovok. E bitna uli ke elio ka Ida Tapolngon klok ila elio epmes ina ka oglou iye due kodong.

1 Jon 1:6

Langka itawai aitno lite kene pulu kap iye e dau itodue elio epmes ina bitna bitna deka itayak e itedidi pelengon ka lokono kovok.

1 Jon 2:10

Gute ka iye lana iye ke iye sisrok dong ke bublongon e iye due elio isuk isuk ka due iye gene ke elio epmes ina kovok.

1 Jon 2:9

Langka gute gesa wai lang-ane. “Ngadong ke bublongon.” E dau aitno engil ke iye sisrok iye dau dong ke aivoro.

1 Jon 3:15

Gute gesa ka aitno soulu e engil ke iye sisrok iye langka gute ka due burwa. E umeile gute ka due burwa ke gute silang iye due mosongon ka dong vala dong kovok.

1 Jon 4:20

Langka gute gesa wai langane. “Ngong lana ngong ke Ida Tapolngon.” E dau iye lana iye ke ila aten kovok deka iye gute yakngan ina. Kesua langka iye lana iye kovok ke ila aten ka iye karanga vati lange ma iye karanga lana iye ke Ida Tapolngon ka iye karanga vati kovok? Aurou.

Pelengon kukwopngon 3:17

E umawai langane. “Limem mani pula e imodong itau e limem wan pula dong kodong.” E umeile omur ke umu tona kovok. Umu langka tokonkon vala e lumu mosongon soulu. E lumu wan kovok e omtomu evin e umu albus umu.