1 Jon 2:1 - Aria New Testament

¹ Lou mimi daudeng. Ngasogo pas ane uti ke umu ma umodue elio epmes ina kovok. E dau langka gute gesa due elio epmes ina gute dong ka loulou ke ite ke Pmada. Iye Yesus Krais ka ila elio itau e osuk.

1 Jon 2:1 ပူးပေါင်းရင်းမြစ်များ

Luk 10:22

Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”

Jon 10:15

Ane eriar langka Livou ile ngong e ngaile Livou. E ngapli tarna lungong e ngamete ma ngaplau lou sipsip itau.

Jon 13:33

Umu ka langka dirgu ma ngadong kap umu dau isuk boto vala. Ma umekrim ke ngong e langka ngawai ke osep Yuda ina ngawai ke umu blang langane. Umakaranga umomo ke omur ka ngala ine kovok.

Jon 14:16

E ma ngapmi Livou e ma iye pagei Luangan silang ke umu e ma iye dong kap umu aling aling.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 21:5

E iye wai ke isak langane. “Lou saten umodue lodu koke aurou?” Deka tikoli tiwai ke iye langane. “Aurou. Imodue lodu kovok.”

Jon 5:14

Mase Yesus vati gute tonari ke omur ka lelei Ida Tapolngon ila ninu e wai ke iye langane. “Ompolou itau kodong e oku ane omdue elio epmes ina blang kovok lama elio soulu polou ke wom ka mole elio ka oglou polou ke wom.”

Jon 5:36

“E wan ka mole pelengon ka Jon wai ine palongo osep ke ngong. Kesua bokongon ka Livou kare ke ngong ma ngadue io bokongon tonari palongo osep ke elio ka Livou pagei ngong ngame.

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 8:11

E iye koli wai langane. “Puda. Gute kene mulu ngong kovok.” Deka Yesus wai ke iye langane. “E ngong blang ngamulu wom kovok. Amla e omdue elio epmes ina blang kovok.”

Aposel 7:52

Oglou lumu seia tidue agegeng ke osep napaprangan ina keniye. Tidue burwa ke osep tonari ka oglou tinapapra ke isak ke gute ka ila elio itau lokono ka ma me. Mase gute tonari me ke umu e umalai iye ina e umodue burwa ke iye.

Pas ka Pol sogoe uti la ke osep Rom ina 5:10

Oglou Ida Tapolngon ina oul itosep. E ari iye due Otno Arang ma iye kasip amunte. E elio ka iye due Otno Arang kasip amunte due aitno epen ke ite ma iye due mada ke ite. Iye due mada ke lite e due ite itopolou sisrok batne ke Yesus ka lua ite kodong iye dong.

Pas ka Pol sogoe uti la ke osep Rom ina 6:15

Eknikane Ida Tapolngon ila makaingan plau itosep e Moses ila sogongon plau ite kovok. Aitno lumu lange? Ma itodue elio epmes ina pula kesua Moses ila sogongon plau ite kovok? Aurou. Ma itodue elio epmes ina pula langane kovok.

Pas ka Pol sogoe uti la ke osep Rom ina 8:34

Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.

1 Korin 15:34

Umeile umu itau e umosongon lumu elio epmes ina bitna bitna e umodue elio itau vala. Umodue elio soulu e supmu leklou tile ke Ida Tapolngon dau kovok. Ngawai pelengon ane ke umu ma umu mnak umu ke lumu elio soulu.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 4:19

Dirgu. Eknikane blang nganamani omba lokono langka apmang ka namani mimi ngen iye. Umu Ida Tapolngon titno kodong e dau ngawaiki umopolou eriar langka Krais.

Efesus 2:18

Deka imi osep Yuda ina e umu ka osep Yuda ina kovok ite keniye itodong ke Krais ila osua ka kene vala. E Ano Itau dong ke ite keniye aitno lite langka ekreng gesa ma itakaranga itawai itau ke Pmada e itakakai angaine tito ine.

Efesus 4:26

Langka aitno lumu engil ke gute gesa umeile umu itau lama umodue elio epmes ina blang. E umosongon aitno lumu dau dong engil ke iye alo ka oklou duru kovok.

1 Timoti 2:5

Iteile Ida Tapolngon kene vala dong. E gute kene vala vri airavu ke ite e Ida Tapolngon e loulou ke ite. Gute tonari Krais Yesus.

1 Timoti 3:14

Ngawaiki ngame ma ngavati wom. E ngaile kovok langka nga-karanga ngame koke aurou deka ngasogo pas ane uti ke wom.

Hibru 9:24

E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

Jems 1:27

Langka itedidi Ida Tapolngon aitno e itodue elio isuk isuk ka itau vala ke Ida Tapolngon ka Pmada bitna ma itodue elio langane. Iye waiki itolua agau ka bimsei e apmang sasap batne ke elio ka opru isak. E iye waiki itaplau ite itau ma elio ka taklak ina due ite itopolou amum kovok.

Jems 3:9

Aling leklou itakakai Ida Puda e Pmada angainsak tito la egim ke oda. E aling silang iteiluk osep ka Ida Tapolngon tapol isak langka iye tona ke oda blang.

1 Pita 2:22

Iye due elio epmes ina gesa kovok e iye wai pelengon yakngan kovok.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Jon 3:18

Lou mimi daudeng. Itawai ite lana ite ke osep leklou vala kovok. Aurou. Ite lana ite ke osep ke elio isuk isuk ka itodue e ke pelengon ka lokono.

1 Jon 3:5

Umeile omur langane. Krais polou langka itosep ma iye pi udo elio epmes ina la. E elio epmes ina dong ke Krais kovok.

1 Jon 3:7

Lou mimi daudeng. Umaplau umu itau lama osep tiyak umu. Gute ka aling aling iye due elio ka itau e osuk vala dong itau e iye dong osuk ke Ida Tapolngon bitna eriar langka Krais dong itau e osuk.

1 Jon 4:4

Lou mimi daudeng. Umu Ida Tapolngon ila osep e umomole osep napaprangan yakngan ina kodong. Kesua Ano Itau ka dong ke aitno lumu mole ano ka dong ke osep ka taklak ina.

1 Jon 5:17

Elio soulu bitna bitna isak keniye elio epmes ina. E dau elio soulu leklou dong ka osep tidue e timete ine kovok.

1 Jon 5:21

Lou mimi daudeng ngawai ke umu langane. Umaplau umu itau ke tapolngon yakngan ina.

3 Jon 1:4

Kesua alo ka ngaklingen omon ke osep ka isak langka dirgu tididi pelengon lokono ka kene vala deka aitno lungong neser omba ine. E wan gesa due aitno lungong neser ka mole wan tonari kovok.