1 Jon 1:8 - Aria New Testament

⁸ Langka itawai elio epmes ina dong ke ite kovok deka itayak ite tona e pelengon ka lokono dong ke ite kovok.

1 Jon 1:8 ပူးပေါင်းရင်းမြစ်များ

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Pas ka Pol sogoe uti la ke osep Rom ina 3:10

Oglou gute napaprangan ina gesa sogo Ida Tapolngon ila pelengon langane. “Gute kene gesa dong ka ila elio itau kovok.

Pas ka Pol sogoe uti la ke osep Rom ina 3:23

Kesua osep ka pula keniye tidue elio epmes ina kodong e tidong mawa ke iye e ke ila bublongon.

1 Korin 3:18

Umeile umu itau lama uma-yak umu pulu. Lama gute gesa dong airavu ke umu e ila ilengen omba ke wan ka taklak ina e aitno mter langane. “Lou ilengen omba.” Io wan ka itau iye songon ilengen tonari e ma aitno kaka ine vala. Iye due langane ma iye ile itau ke ilengen ka omba lokono.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

1 Timoti 6:5

E ma tituk orsak pulu e aitno lisak soulu ke osep leklou. Osep ka aitno lisak langane aitno lisak kaka lokono e tile pelengon lokono kovok. Aitno lisak langka Ida Tapolngon ila elio e ila pelengon ekreng ka tididie e ma urok brokngon polou.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

Jems 1:22

Umoklingen Ida Tapolngon ila pelengon e umemeit ine. E umoklingen ine vala kovok. Kesua langka umoklingen ine vala umakaranga umayak umu ine.

Jems 1:26

Osep leklou tiwai langane. “Ngadidi Ida Tapolngon aitno itau lokono e ngadue elio isuk isuk ka itau.” E dau langka iye plau ila pelengon ka iye wai ine kovok iye yak iye tona ke elio ka iye wai iye didi Ida Tapolngon. Deka elio ka iye wai iye didi Ida Tapolngon aitno iye elio adai vala.

Jems 3:2

Umeile ite ka pula keniye aling pula itodue elio soulu e langka gute wai pelengon soulu kovok iye gute ka itau lokono e karanga plau pampamu ine itau.

2 Pita 2:13

Tidue elio soulu ke osep e Ida Tapolngon koli urok elio soulu ke isak. Aitno lisak mter itau ke elio langka tingen pula e tinim pula alo ka oklou bublo. E tingen kap umu e tidue umu mnak umu ine e tidue umu umopolou langka amum. E aitno lisak neser ke urok yakngan.

1 Jon 1:10

E langka itawai itodue elio epmes ina kovok ane langka itesir Ida Tapolngon gute yakngan ina e ila pelengon dong ke aitno lite kovok.

1 Jon 1:6

Langka itawai aitno lite kene pulu kap iye e dau itodue elio epmes ina bitna bitna deka itayak e itedidi pelengon ka lokono kovok.

1 Jon 2:4

Langka gute gesa wai langane. “Ngaile iye.” E dau iye ini ila pelengon dagar kovok iye gute yakngan ina e pelengon ka lokono dong ke iye kovok.

1 Jon 4:20

Langka gute gesa wai langane. “Ngong lana ngong ke Ida Tapolngon.” E dau iye lana iye ke ila aten kovok deka iye gute yakngan ina. Kesua langka iye lana iye kovok ke ila aten ka iye karanga vati lange ma iye karanga lana iye ke Ida Tapolngon ka iye karanga vati kovok? Aurou.

2 Jon 1:2

Itodue elio langane kesua pelengon lokono dong ke aitno lite e ma dong vala dong.

3 Jon 1:3

Oglou udo osua leklou tipolou ke ngong e tipalongo lou ke lem elio. E tiwai emdidi pelengon lokono. Ngaklingen pelengon are deka aitno lungong neser omba ine.