Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Jon 1:7 - Aria New Testament

7 E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

အခန်းကိုကြည့်ပါ။ ကော်ပီ




1 Jon 1:7
34 ပူးပေါင်းရင်းမြစ်များ  

Amsak limem elio soulu e omlua imi ma imasak elio soulu ka osep tidue ke imi.


E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.


Deka Yesus wai ke isak langane. “Bublongon dong dau sasi boto vala kap umu e umelila alo ka bublongon dong kap umu. Umelila ke bublongon lama epmes polou e omur aivoro kesua gute ka lila ke aivoro ile omur ka iye lila ine kovok.


Isuk boto ma epmes yagos e isuk boto ma oklou tito. Deka wan ka itau ma itosongon udo elio soulu bitna bitna e ma itedidi elio itau vala. E ma elio itau dangdang elio soulu ma elio soulu mole ite kovok.


Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.


E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.


Oglou umodong ke aivoro. E eknikane langane kovok. Kesua umopolou Ida Puda ila osep deka umodong langka Ida Tapolngon ila esluk. Deka umodue elio itau bitna bitna eriar langka osep ka tidong ke bublongon tidue.


Iye kene vala dong oglou lila me e iye karanga mete kovok. Iye dong ke bublungon ka ombatno lokono e itakaranga itala olwo ke iye kovok. Ke oglou gute gesa vati iye kovok. E eknikane blang gute gesa karanga vati iye kovok. Deka aling aling ite ka pula keniye ma itakakai angaine e ma ila arit ka ombatno lokono dong. Lokono.


Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.


Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.


Wan keniye ka itau e itau lokono duru me ke Pmada ka dong egim ka tapol oklou e taiko e gigimo. Iye dong e segesege kovok langka wan ano segesege alo ka oklou lila ke egim ke sirva.


Aurou. Iye kli umu ke Krais ina marau ka wan ka itau lokono. E Krais iye langka sipsip otno ka itau itau lokono e egle e wan soulu silang dong ke iye kovok.


Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.


Imapalongo lumu ke pele-ngon ka Yesus wai ke imi. Pelengon tonari langane. Ida Tapolngon iye tona bublongon e wan gesa ka aivoro dong ke iye kovok.


Yesus Krais me dong ke taklak e osep tipaunim iye ke aki. Mase iye mana ke ina akai e ina marau baser. Alo ka iye me osep tipaunim iye vala kovok. Aurou. Iye mete e ina marau baser blang.


Wan eklu tipalongo udo ke Yesus. Ano Itau palongo udo e aki ka paunimngen ina palongo udo e ina marau ka baser palongo udo. E isak eklu tonari isak langka pelengon kene vala.


Ngaklingen titim leklou tididi pelengon lokono langka Pmada wai dagar ine ma itodue. Ngaklingen langane deka aitno lungong neser omba ine.


Kesua alo ka ngaklingen omon ke osep ka isak langka dirgu tididi pelengon lokono ka kene vala deka aitno lungong neser omba ine. E wan gesa due aitno lungong neser ka mole wan tonari kovok.


E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.


E Ida Tapolngon ila osep timole Satan ke Sipsip Otno ina marau e timole iye ke Ida Tapolngon ila pelengon ka tinapapra ine. E timole iye kesua tipli tarna lisak e aitno lisak mter langka timete deka are wan gesa kovok.


E ngakoli ila pelengon langane. “Gute namor ngaile kovok.” Deka iye wai ke ngong langane. “Osep tonari isak osep ka tinamani agegeng ke inarak oul. E tigrong urok molo ke Sipsip Otno ina marau deka urok molo polou okou lokono.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ