1 Jon 1:3 - Aria New Testament

³ Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

1 Jon 1:3 ပူးပေါင်းရင်းမြစ်များ

Jon 17:11

“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 19:35

E gute ka vati elio ane palongo ine e ila palongongon lokono. E iye ile iye wai lokono ma aitno lumu karanga la dagar ke ila pelengon.

Aposel 13:32

“Eknikane imawai ke umu ke omon itau ka la ke Ida Tapolngon ila promis ke oglou iye wai ke udo seia. Deka ke ite ka urok napakngan eknikane ila promis tonari polou lokono. Iye due Yesus poga tito ke ina denga eriar langka oglou ila pelengon ka dong ke Buk Song sapta orwo wai ine. Pelengon tonari wai langane. ‘Eknikane wom tona erigu wom e abo ngong.’”

Aposel 13:41

Oglou ari tisogo langane. ‘Alo ka umu dau umodong ma ngadue elio gesa ka umedigrik ine. Lama osep tipalongo lumu ine aitno lumu dagar ine kovok. Umu ka umodue apok ma umavati elio gesa ka ngadue. Deka ma umedigrik ine e umemete ine.’”

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Aposel 20:27

Kesua oglou nga-napapra Ida Tapolngon ila pelengon keniye ke umu e ngabisi ine kovok.

Aposel 4:20

Umoklingen. Ma imodong vala kovok kesua batne oglou imavati Yesus ila elio bitna bitna e imeklingen ila pelengon. E eknikane imanapapra ine.”

Pas ka Pol sogoe uti la ke osep Rom ina 15:27

Tididi aitno lisak vala e tituktuk mani tonari e tikare ke isak. Elio ka langane itau lokono kesua osep Israel ina tilua osep leklou mgo ke Ida Tapolngon ila pelengon. Deka elio ka osep leklou tilua osep Israel ina ke urok wan ane elio itau lokono.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 1:9

E langane. Ida Tapolngon rere ite ma iteneklep ke Otno Arang Yesus Krais ka Ida Puda. Deka iye due ite iteneklep ke iye. Kesua iye tona didi ila pelengon keniye deka due polou lokono.

1 Korin 15:1

Sipmi. Ngawaiki ngasruk aitno lumu ke omon itau ka oglou nganapapra ke umu. Alo ari aitno lumu la dagar ke omon itau deka umodong dagar ine.

Efesus 3:6

Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Filipai 2:1

Krais due aitno lumu tidong dagar e iye lana iye ke umu i? Umodong kene pulu kap Ano Itau i? Aitno lumu itau ke osep leklou e aitno lumu due isak e aitno lumu kro ke osep ka wan polou ka opru isak i?

Filipai 3:10

Ngong lana lungong langane. Ma ngadong kap Krais e ngadue Ida Tapolngon ila arit ka due Krais poga tito ke ina denga. E nganamani elio ka opru ngong langka Krais namani elio ka opru iye. E ngawaiki aitno lungong oglou ina mete langka iye mete.

Kolosi 1:13

Oglou elio epmes ina ila arit plau ite e eknikane Ida Tapolngon ka iye lana iye ke Otno Arang lua ite ke udo elio epmes ina e due ite itodong ke omur ka Otno Arang plaue.

1 Tesalonaika 1:10

E tipalongo urok ke elio ka umapara ke alo ka Ida Tapolngon Otno Arang Yesus ma iding me ke omur heven. Otno Arang tonari mete deka Ida Tapolngon didi ila arit e due poga tito e dong blang e iye mole udo elio epmes ina e lua ite ma itanamani Ida Tapolngon aitno ila engil ka mase ma me kovok.

1 Timoti 6:2

Langka osep ka tiplau osep ka isak wokboi nating isak osep Kristen deka ma osep bokongon ina tidue markan ke isak kovok. Ma tituk urok pelengon kovok. E ma aitno lisak mter langane. Gute ka ngaboko ke iye io iye Kristen blang deka ma aitno lungong itau lokono ke iye. Ma amnapapra pelengon ane ke osep e amparere isak ine.

Hibru 2:12

E Yesus wai ke Ida Tapolngon langane. “Ma ngapalongo sipmi ke elio ka omdue. Alo ka tiduni pulu ma ngakakai angain wom tito la egim ke amtarsak.”

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

2 Pita 1:16

Alo ka imawai ke umu ke Ida Puda Yesus Krais ila arit e elio ka mase iye ma iding me imedidi basikngen adai koke alemge kovok. Aurou. Imavati ila elio ka itau lokono e ila arit.

1 Jon 1:1

Imawai ke umu ke gute ka iye Ida Tapolngon Ila Pelengon ka ila mosongon dong ke iye. Gute tonari dong oglou oglou ari alo ka Ida Tapolngon tapol wan ka pula keniye. E imeklingen ke gute tonari e imavati iye e imakai iye.

1 Jon 1:5

Imapalongo lumu ke pele-ngon ka Yesus wai ke imi. Pelengon tonari langane. Ida Tapolngon iye tona bublongon e wan gesa ka aivoro dong ke iye kovok.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.