1 Jon 1:2 - Aria New Testament

² Gute tonari polou malak e imavati iye deka imapalongo lumu ine. Imanapapra umu ke mosongon ka dong vala dong ka oglou dong ke Pmada e eknikane polou malak ke imi.

1 Jon 1:2 ပူးပေါင်းရင်းမြစ်များ

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 1:4

E gute tonari iye mosongon batne e mosongon tonari langka osep ka pula keniye urok bublongon ka due isak tile omur itau.

Jon 10:28

E ngakar isak mosongon ka dong vala dong e ma timete kovok e gute kene karanga pi isak ke lungu kovok.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 15:27

E umu blang ma umapalongo osep ke ngong kesua umodong kap ngong alo ka nganogrum lou bokongon e lila me ke oku ane.”

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 19:35

E gute ka vati elio ane palongo ine e ila palongongon lokono. E iye ile iye wai lokono ma aitno lumu karanga la dagar ke ila pelengon.

Jon 21:14

Ane aling eklu ina Yesus polou e nis iye ke ila disaipel batne ke taim ka iye poga tito ke ina denga.

Jon 3:13

Gute kene vala tito sep ke omur heven. Iye Gute Ka Polou Langka Osep ka oglou iye duru ke omur heven blang.

Jon 7:29

E ngaile iye kesua oglou ngadong kap iye e iye pagei ngong ngame.”

Jon 8:38

Ngawai ke wan ka Livou nis ngong ine e umodue wan ka umoklingen ke pmomu.”

Aposel 1:22

Ma iterere gute ka oglou iye dong kap ite ke alo ka Jon paunim Yesus lila me ke oklou ka iye tito la egim. Ma iterere gute kene ka vati Yesus ila bokongon batne la gurno. Deka ma iye lua ite ke udo bokongon. E ma itogosok itaparere osep pula ke elio ka Yesus mole metengen deka poga tito ke ina denga.”

Aposel 10:41

Iye polou ke osep ka pula keniye amtarsak kovok. Aurou. Iye polou ke imi ka Ida Tapolngon rere imi kodong emtemi ma imavati. Iye dong kap imi deka imangen ngangon e imeinim aki kap iye.

Aposel 2:32

Devit ila pelengon ane la ke gute Yesus. Oglou Yesus mete deka pampamu ine la munu ke ina denga. Deka Ida Tapolngon due poga tito ke ina denga e eknikane imavati iye blang.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 5:32

Imi ane e Ano Itau imapalongo osep ke elio tonari. Oglou imavati Yesus ila elio bitna bitna deka eknikane imapalongo osep ine. E eknikane Ano Itau ka Ida Tapolngon kar iye ke osep keniye ka tididi ila pelengon pa-longo osep ine blang.”

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

2 Timoti 1:10

Eknikane ila makaingan polou malak lokono batne Ida Luangan Krais Yesus me polou ke ite kodong. E osep ka tiklingen Ida Tapolngon ila omon itau e aitno lisak dagar ine ma metengen mole isak kovok e ma tidue mosongon ka dong vala dong.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

1 Jon 1:1

Imawai ke umu ke gute ka iye Ida Tapolngon Ila Pelengon ka ila mosongon dong ke iye. Gute tonari dong oglou oglou ari alo ka Ida Tapolngon tapol wan ka pula keniye. E imeklingen ke gute tonari e imavati iye e imakai iye.

1 Jon 2:25

E Krais wai promis kodong ma iye kar mosongon ka dong vala dong ke ite.

1 Jon 3:5

Umeile omur langane. Krais polou langka itosep ma iye pi udo elio epmes ina la. E elio epmes ina dong ke Krais kovok.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

1 Jon 4:2

Umoklingen. Osep ka tiwai Yesus Krais duru ke taklak e polou langka itosep urok pelengon ina poloungon batne ke Ida Tapolngon.

1 Jon 5:11

Pelengon tonari langane. Ida Tapolngon kar mosongon ka dong vala dong ke ite e mosongon tonari batne ke Otno Arang.

1 Jon 5:13

Ngasogo pelengon ane uti ke umu ka aitno lumu dagar ke Ida Tapolngon Otno Arang ma umeile omur langane. Aitno lumu dagar ke iye deka umodue mosongon ka dong vala dong.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.