Yohanis 9:34 - Anahatana ne Anamanaya tau Sou Naunue

³⁴ Oatinu san rei oahata, “Oni amrae asi mo, me rosau panesi nea. Ano mo, ano seia na atuhete ami reini?” Oyo oneiki.

Yohanis 9:34 ပူးပေါင်းရင်းမြစ်များ

Lukas 11:45

Ia matuhete Musa ne maunauna isa iasau osi Yesus iahata, “Matuhetene. Ano asau san rei osi sio onata arihon akama Yahudi, areimo sani oasau tau ami oi rei tea!”

Lukas 14:11

Areimo, tau ia sia man sahoro iuna ruai ia mainae, Anahatana mka iunai ia ikine. Ne ia sia man sahoro iuna ruai ia ikine, mka Anahatana ihitiki iuna ia mainae.”

Lukas 18:17

Atinu mai ia-ia nanie uasau osimo. Ia sia wain itapi Anahatana irimei tewa noo sani sio ikina reini, mka ipusu tewa sani Anahatana irime ne mansiau.”

Lukas 6:22

Anahatana irui iake osi omi wan mansia openeso tanumo runa orati sohimo oahata, ‘Sio mo, sio kahatena.’ Irui Iake osimo noso opusu Au Tumata Reini mo, Anahatana Ihitiku.”

Yohanis 6:37

Ia sia man wain Amaku iruiki na ouna we mansiau rei mo, mka oeuso mai tanuku. Na ia sia wain ihokai mai tanuku mo, mka uapusaa pusiso. Uneiso tewa.

Yohanis 8:41

Reiso titue, omi mo, ouna sae waron mo ama tamene iunare.” Oahata, “Ami mo, ami ana hua tewa. Ami mo, mani Ama osa man. Ia mo, Anahatana ruai.”

Yohanis 9:2

Oyo ne mampusua oasei tanui ata, “Ano Matuhetene. Ia reini matai raputiso on iamrae reimo, tau inai na amai no rosau te ia ruai ne rosau?”

Yohanis 9:22

Oasau san rei tau okaitau sio onata arihon akama Yahudi. Tea mo, sio onata ohunu sou na ia sia wain iasau ata Yesus mo, Ia Aia wain Anahatana Ihitiki na Iapuheu Mansiau mo, pene oheta sio Yahudiu no numa mananoune nea.

Yohanis 9:35

Yesus iatinu ata sio mainaya rei onei ia wain naone matai usena raputiso rei na pene iheta ami Yahudiu ma numa mainisie. Isupui oyo iasei tanui. Iahata, “Ano parisaa tau Tumata wain Anahatana Ihitiki te tewa?”

Yohanis 9:40

Sio onata arihon akama Yahudi umau wasumo oatinu san rei oyo oasei tau Yesus. Oahata, “Sae rei? Wamo asau reno mo, Ano ata kani ami mo, matama raputiso si?”

3 Yohanis 1:10

Reiso, sani uhokaku pan tanumo mo, mka usima runa ne hali kahatena pusire osimo. Tea mo, iruni iakarota rerihoni ami. Ne renesi ne mamruni makarotana rai, ia ruai iae ipenei iatarima rea kaka waniu wason oparisaa, wason oeu osima rerihoni Kristus. Na ieu isopo sio wason nanie oatarima sio wason oparisaa rei. Iaisosiso ohokaso na pene okata sio wason oparisaa rei.

3 Yohanis 1:9

Naone ukanu surate osi sio wason oparisaa tau Kristus pan rei. Ne Diotrepes wain inina na ia sahoro irime sio wason oparisaa, reiso ipenei ipusu au we maunaune.