Yohanis 8:49 - Anahatana ne Anamanaya tau Sou Naunue

⁴⁹ Yesus iahata, “Au mo, sakahatene remasuniku tewa. Au mo, uamuira Amaku, ne omi oamuira Au tewa.

Yohanis 8:49 ပူးပေါင်းရင်းမြစ်များ

Yohanis 11:4

Yesus iatinu san rei, oyo iasau ata, “Kupue reimo, mka rehunui tewa. Ne, kupue reimo, mka reuna mansia onoo Anahatana ne kawasa wani mainae nai osa na mansiau oamuira Au, Anahatana Anai.”

Yohanis 12:28

Reiso hasae uainisi ata, ‘Ama, atuhete osi mansiau ata Ano mo, Ano mainae nai osa.’” Sira tau oatinu nioke isa on roe nante. Iasau ata, “Au uatuhete osi mansiau nea ata Au mo, Au mainae nai osa. Na Au mo, mka una mansia onoo we kawasa mainae honu.”

Yohanis 14:13

Sae man waron oainisire arihon Amaku tau Au nanaku, mka unare. Una san rei na mansiau oamuira Amaku noso sae wan Au, Anai, unai rei.

Yohanis 17:4

Uamuiraya mai tuniai rein. Tea mo, Au una pusire waron aisosiku unare nea rei.

Yohanis 7:20

Oyo sio panesi oahata, “Amukea! Auwena na sakahatene reiso anamana sani rei si? Ia sia nanie ihunua?”

Yohanis 8:29

Ia sahoro iaisosiki, ikata runaku sui osa. Ieu arihoniku tewa. Tea mo, Au una sae man pusu ne maue.”

Atata 5:41

Reiso ohokaso oarihoni sio onata rei. Oeuso anoo miri-mirika. Tau sae, Anahatana iahata sio iaka, reiso itapiso ouna sinsaraso noso Yesus.