Yohanis 8:47 - Anahatana ne Anamanaya tau Sou Naunue

⁴⁷ Ia sia wain iuna Anahatana ne mansia mo, mka iatinu Anahatana ne maunauna. Ne omi mo, Anahatana ne mansiau tewa, reiso oatinure tewa.”

Yohanis 8:47 ပူးပေါင်းရင်းမြစ်များ

Yohanis 12:48

Ia seia wain ipenei tanuku na iatarima we maunauna tewa mo, Anahatana mka iapasanai. Sani tuniai nanie repena nea, mka iapasanaso pusu openeso tau Au we maunauna.

Yohanis 18:37

Oyo Pilatus iasei ata, “Munata san rei, Ano rein mo, Ano Aia, tea!” Oyo Yesus iahata, “Ano asau ata Au mo, Au Aia. Areimo titue. Uamrae mai tuniai na una Aia. Uhokaku mai tuniai rein na usima rerihoni sae wan manisate. Ia sia wain inina sae wan manisate mo, mka iatinu tau Au.”

Yohanis 5:25

Oatinu mai ia-ia nanie uasau osimo. Mka nene orase rehokai na sio wason oparisaa tau Au tewa mo, mka oatinu Au, Anahatana Anai, nioku. Sio reimo, nooso sani sio matana. Ne wain iatinu tanuku mo, mka iamahaiki ikata Anahatana rotu-tu ria supan. Orase rei mo, wan reeu nea.

Yohanis 6:65

Oyo iasau ata, “Omi umau wan oparisaa we maunauna tewa reiso uasau osimo nea ata hasae sio wason Anahatana ihuka anoo sahoro oparisaa tanuku na oamahaiso rotu-tu ria supan.”

Yohanis 8:37

Au uanei ata omi mo, Abraham ne upu momou. Ne onina arena nanie ohunuku tau openemo oatinu tau we maunauna.

Yohanis 8:43

Omi mo, openemo tau we maunauna. Reiso oaneire tewa.

Yohanis 8:45

Ne Au we maunauna mo, manisata. Reiso openemo oparisaa tau Au.

1 Yohanis 3:10

Mka ita iationa ia sia Amai tau Anahatana na ia sia amai tau ia aia sakahatene. Ia wain iuna manisate tewa na anoi runa ne kaka waniu tewa wason oparisaa tau Kristus mo, Amai tau Anahatana tewa.

1 Yohanis 5:1

Ia seia wain iparisaa ata Yesus mo, Ia Aia wain Anahatana Ihitiki na Iapuheu Mansiau, ia reimo Amai tau Anahatana. Ia seia wain anoi runa Amari Anahatana, areimo mka anoi runa sio wason no Ama tau Anahatana.

2 Yohanis 1:9

Ia seia ikati Kristus ne maunauna te ipusu sae waron iaunaure tewa nea, areimo anoi osa na Anahatana tewa. Ne ia seia wain ipusu Kristus ne maunauna rai, areimo, anoi osa na Amari Anahatana na Anai Yesus Kristus.

3 Yohanis 1:11

We neta wan anoku runaya. Pene roma sio kahatena no haliu. Ne kahurae aroma sio wason ouna iake no haliu. Ia wain iuna iake, areimo Amai tau Anahatana. Ne ia wain iuna kahatene, areimo iationa Anahatana tewa.