Yohanis 8:20 - Anahatana ne Anamanaya tau Sou Naunue

²⁰ Yesus iatuhete rai pusire roe Anahatana ne numa mainisie nusue haineke peti maiinu kepen waron oruire osi Anahatana. Ne osotai tewa. Areimo, tau nene orase tau osotai tewasi.

Yohanis 8:20 ပူးပေါင်းရင်းမြစ်များ

Markus 12:41

Yesus wain iru-ruei pan Anahatana ne numa mainisie. Iruei iamanane peti kepen waron orui osi Anahatana. Iasumata sio onusu kepen tanui. Sio kupan kaya panesi onusu kepen panesi.

Markus 12:43

Oyo Yesus ioi ne mampusua, iahata, “Atinu mai ia-ia nanie uasau osimo. Titue, sio kupan kaya mo, no kepen panesi ne orui mkane man osi Anahatana. Ne ia pina uhanu wain imosokiniki rei mo, irui osi Anahatana renesi sio pusiso wason orui osi Anahatana rei.

Lukas 20:19

Pusi, oyo sio matuhete Musa ne maunauna na sio imam no sio mainaya oanei ata Yesus waimo iruni matieue rei mo, iruni rerihon sio. Reiso, tau rei sirinia, onina arena nanie osota Yesus. Ne okaitau sio hutue.

Lukas 21:1

Yesus wairo Anahatana ne numa mainisie. Roe rei, inoo sio kupan kaya onusu kepen tau peti kepen waron orui osi Anahatana.

Yohanis 10:39

Oatinu Yesus iasau sani rei, oyo osota rea Yesus honu. Ne Yesus ieui arihonso.

Yohanis 2:4

Yesus iasau ata, “Ina! Areini mo, nene orase tewasi tau uatuhete we kawasa. Reiso pene asau osi Au.”

Yohanis 7:14

Karisaa rei reeu onona tonu te ate sani rei nea, oyo Yesus ieui roe Anahatana ne numa mainisie nusue na iatuhete mansiau roe rei.

Yohanis 7:30

Oatinui iasau ata Anahatana iaisosiki ihokai mai tuniai reini, sio onata onina arena na osota Yesus. Ne ia sia man arihon sio rei pusiso hanao rakahuui man tewa oi. Areimo, tau nene orase tewasi tau osotai.

Yohanis 7:44

Sio umau nanie osotai, ne ia seia man hanai rekahuu man tewa oi.

Yohanis 7:8

Reiso omi oeumo na roe karisaa rei. Ne Au mo, ueu tewa. Tea mo, Au mo, nene orase tau ueu roe rei tewasi.”

Yohanis 8:2

Omnano tunne, imusui on roe pupue rei, oyo ieu honu roe Anahatana ne numa mainisie nusue. Mansia panesi ohoka oamanouso ohoriki, reiso irue iatuheteso.

Yohanis 8:59

Oatinu Yesus iasau san rei, oyo oroma hatu na oraui na ohunui. Tau oata kani Yesus iuna ruai sani Ia mo, Anahatana. Ne Yesus iunaso onoo mosai tewa, oyo ihitio ieui mene-mene arihon Anahatana ne numa mainisie rei.