Yohanis 8:18 - Anahatana ne Anamanaya tau Sou Naunue

¹⁸ Sio wason osima na Au iae, sio ua oi. Au usima osimo rerihon Au ruaku, na Amaku wain iaisosiku isima osimo rerihoni Au oi.”

Yohanis 8:18 ပူးပေါင်းရင်းမြစ်များ

Yohanis 10:11

Au reini mo, Au sani mamsaka rompau wain isaka ne rompau ia-ia. Isaka ne rompau ia-ia mo, masike nanie imatai iae, hete sae ne rompau ramahaiso.

Yohanis 10:14

Au reini mo, Au sani mamsaka rompau wain isaka ne rompau ia-ia. Au sahoro unoo runare ia-ia. Masike mka umataku iae hete sae we rompa ramahaiso. Uationa we rompau. We rompau iae rationaku oi. Noo sani Amaku iationa Au na Au uationa Amaku oi.

Yohanis 10:30

Au na Amaku mo, uama osa.”

Yohanis 10:9

Au reini mo, sani mitanunue. Mka Anahatana iapuheu ia sia man wain ihokai mai tanui inusu pusu Au. Mka inusu hoka sae isa remunai tewa sani rompa renusu hoka koka renina nene muaina mo, iake.

Yohanis 11:25

Yesus iahata, “Au sahoro una mansia oamahaiso honu na Au sahoro unaso oamahaiso okata Anahatana rotu-tu ria supan. Sio wason oparisaa tau Au, masike omataso nea iae, mka oamahaiso honu.

Yohanis 14:6

Yesus iahata, “Au sahoro arena na oeu roe Amaku. Au sahoro uatuhete sae wan manisate rerihoni Anahatana. Au oi, sahoro una mansia oamahaiso okata Anahatana rotu-tu ria supan. Hasae Au sahoro una arena na oeu roe Amaku.

Yohanis 8:12

Yesus ianamana osi sio panesi wason oamanouso roe Anahatana ne numa mainisie nusue rei honu. Iahata, “Au mo, noo sani manahane osi mansia pusiki mai tuniai reini anoo. Nooi sani manahane resita sae man wan noi pumono na inoo mosai. Ia sia man wain ipusu Au mo, mka ieu pusu pumono tewa. Ne ieu pusu manahane. Manahane rei retuhetei sapani na mka iamahaiki ikata Anahatana rotu-tu ria supan.”

Yohanis 8:25

Reiso oasau osiki ata, “Ano ata kan Ano mo, Ano seia na asau sani rei?” Oyo iahata, “Oni mataanoe uatuhete mo, uasau osimo nea rerihoni Au reini mo, Au sia.

Yohanis 8:38

Sae waron uatuhetere osimo reini mo, pusire unoo oni ukata Amaku. Omi iae, ouna sae waron oatinu arihoni mo ama.”

Yohanis 8:51

Oatinu mai ia-ia, nanie uasau osimo. Ia seia ipusu we maunauna, ia mo, mka imata rotu-tu ria supan tewa.”

Yohanis 8:58

Oyo iahata, “Oatinu mai ia-ia, nanie uasau osimo. Abraham ain tewasi mo, Au wan naone nea.”