Yohanis 7:30 - Anahatana ne Anamanaya tau Sou Naunue

³⁰ Oatinui iasau ata Anahatana iaisosiki ihokai mai tuniai reini, sio onata onina arena na osota Yesus. Ne ia sia man arihon sio rei pusiso hanao rakahuui man tewa oi. Areimo, tau nene orase tewasi tau osotai.

Yohanis 7:30 ပူးပေါင်းရင်းမြစ်များ

Markus 11:18

Sio imam no sio mainaya na sio matuhete Musa ne maunauna oatinu tau rei. Reiso onina arena nanie ohunu Yesus. Oananai tau sio mansiau pusiso osira oatinu ne anamanaya.

Lukas 20:19

Pusi, oyo sio matuhete Musa ne maunauna na sio imam no sio mainaya oanei ata Yesus waimo iruni matieue rei mo, iruni rerihon sio. Reiso, tau rei sirinia, onina arena nanie osota Yesus. Ne okaitau sio hutue.

Lukas 22:53

Aikee onon ranie ukatamo pan Anahatana ne numa mainisie, ne osotaku tewa. Ne onon hatae repan samato nanie osotaku. Tau onon hatae reipan, ia aia sakahatene waini iatuhete ne kawasa.”

Yohanis 10:31

Oyo sio ona Yahudiu oroma hatu honu nanie oraui na ohunui.

Yohanis 10:39

Oatinu Yesus iasau sani rei, oyo osota rea Yesus honu. Ne Yesus ieui arihonso.

Yohanis 7:19

Anomo rapeka runa Anahatana ne maunauna waron Musa ikanure rei. Ia sia man arihon omi ipusu pusire ia-ia tewa. Sinana opusure, areimo mka onina arena na ohunuku tewa.”

Yohanis 7:32

Ne sio onata arihon akama Yahudiu oatinu sio panesi oarahuhu ata Yesus mo, Ia Aia wain Anahatana Ihitiki na Iapuheu Mansiau. Reiso okata sio imam no sio mainaya pusiso oeuso roe sio mamsaka Anahatana ne numa mainisie rei na oaisosiso oeu osota Yesus.

Yohanis 7:6

Reiso Yesus iasau osiso. Iahata, “Nene orase tau Au ueuku roe kota Yerusalem tewasi. Ne omi mo, supan man tau oeu iae iake.

Yohanis 7:8

Reiso omi oeumo na roe karisaa rei. Ne Au mo, ueu tewa. Tea mo, Au mo, nene orase tau ueu roe rei tewasi.”

Yohanis 8:20

Yesus iatuhete rai pusire roe Anahatana ne numa mainisie nusue haineke peti maiinu kepen waron oruire osi Anahatana. Ne osotai tewa. Areimo, tau nene orase tau osotai tewasi.

Yohanis 8:37

Au uanei ata omi mo, Abraham ne upu momou. Ne onina arena nanie ohunuku tau openemo oatinu tau we maunauna.

Yohanis 8:59

Oatinu Yesus iasau san rei, oyo oroma hatu na oraui na ohunui. Tau oata kani Yesus iuna ruai sani Ia mo, Anahatana. Ne Yesus iunaso onoo mosai tewa, oyo ihitio ieui mene-mene arihon Anahatana ne numa mainisie rei.

Yohanis 9:4

Oni Au wan tuniai reini asi, Au sahoro una mansiau oationa Anahatana. Reiso Au sani manahane. Manahane reuna mansia onoo sae wan noi pumono. Reiso oni manahane asi, Ita mo, kahurae ipakarian pusu Amaku wain iaisosiku ne maue. Tea mo, sani nanie imatata, areimo sani pumono nea oyo sia man mka ipakarian tewa nea.”