Yohanis 7:29 - Anahatana ne Anamanaya tau Sou Naunue

²⁹ Ne Au mo, uationai. Tea mo, uhokaku reini mo, on roe Ia. Ia sahoro iaisosiku na uhokaku mai tuniai reini.”

Yohanis 7:29 ပူးပေါင်းရင်းမြစ်များ

Yohanis 1:18

Ia seia man inoo Anahatana tewa. Hasae Anai osa ruai tunne wain ihaineke runai man, sahoro isima runa Amai Anahatana osita nea.

Yohanis 13:3

Yesus ianei nea ata Amai irui kawasa osiki tau sae man. Ianei nea oi ata ihokai on roe Anahatana na mka inuniki roe Anahatana honu.

Yohanis 17:18

Noo san Ano aisosi Au uhokaku mai tuniai reini, Au iae uaisosi sio mai tuniai reini pusiki oi.

Yohanis 6:46

Ia sia man inoo Amaku Anahatana tewasi. Hasae Au wan iaisosiku mai tuniai reini man sahoro unooi nea.

Yohanis 8:55

Omi oationai tewa, ne Au uationai. Sani uasau ata uationai tewa, areimo uakarota sani omi oi. Ne Au mo, uationai na upusu ne maunauna.

1 Yohanis 1:2

Ihokai mai tuniai reini reiso anooi nea. Asima na Ia wain iapuhaita rotu-tu ria supan. Mataanoe ikata Amari roe noiyaha ne ihokai mai tuniai reini na iruei ikatama.

1 Yohanis 4:14

Ami ruama anoo Anahatana Anai tau matama nea. Aeu asima ata Amari irati Anai nea na Anai rei iapuheu sio mai tuniai reini na pene Anahatana iapasanaso.

1 Yohanis 4:9

Anahatana iatuhete ata anoi runa mansia mo, san rei. Iaisosi Anai osa mtola rei ihokai mai tuniai reini na iunata iamahaita ikatai rotu-tu ria supan.