Yohanis 7:28 - Anahatana ne Anamanaya tau Sou Naunue

²⁸ Yesus wain iatuheteso roe Anahatana ne numa mainisie nusue asi oyo iatinu oasau san rei, ianamana nioi mainae ata, “Omi oationaku na oanei Au reini mo, on supa. Areimo manisate. Ne uhokaku reini mo, pusu ruaku we maue mo, tewa. Ne uhokaku reini mo, Amaku sahoro iaisosiku. Omi oationai tewa.

Yohanis 7:28 ပူးပေါင်းရင်းမြစ်များ

Lukas 10:22

Yesus iainaa na Anahatana oyo iahata, “Amaku Anahatana iatuheteku na irui kawasa osiku na Au una taneiu waron iruire osiku. Hasae Amaku sahoro ianei Au mo, Au sia. Hasae Au na sio wason uatuheteso oanei Amaku Anahatana ne hali sapan.”

Lukas 2:11

Sinasi ia ikine isa iamrae poe aia Daud ne kota. Ia ikine rei sahoro mka iapuheumo na pene Anahatana iapasanamo. Iamrae noso omi. Ia reimo Upuri wain Ia Aia wain Anahatana Ihitiki na Iapuheu Mansiau.

Lukas 2:39

Maria runa Yusup ouna pusire rapusu Upuri ne maunauna waron Musa ikanure nea rei. Oyo onunso poe no nia Nasaret poe otoe Galilea.

Lukas 2:4

Reiso, Yusup iae ieu iarihoni kota Nasaret na pan otoe Galilea na nanie ieui poe kota Betlehem pan otoe Yudea. Betlehem mo, ia aia Daud ne niane. Yusup mo, arihoni Daud ne ipane reiso ieui pan Betlehem oi.

Lukas 2:51

Oyo Yesus inuniki poe nia Nasaret ikata inai runa amai. Iatinu tanso. Maria anoi erepeka-peka runa pusire pan anoi asi.

Yohanis 1:46

Ne Natanael iahata, “Nasaret? Sae isa wan iake mo, rehokai on pan nia ikine rei mo, tewa!” Pilipus iahata, “Munata san rei mo, mai na ruam anoo tau matam!”

Yohanis 10:36

Anahatana iromaku na iaisosiku uhokaku mai tuniai reini. Reiso, sani uasau ata, ‘Au mo, Anahatana Anai’, pene anomo rasaa. Pene oasau ata Au uanamana sani Au mo, Anahatana rei.

Yohanis 12:49

Areimo tau Au mo, uanamana pusu ruaku we maue tewa. Ne uanamana pusu Amaku ne maue. Ia sahoro iaisosiku. Ia sahoro iasau runa sae wan kahurae uasaui osimo.

Yohanis 14:10

Aparisaa tewa ata anoku osa na Amaku na Amaku anoi osa na Au? Maunauna waron uaunaure osimo rei mo, arihon Au ruaku tewa. Maunauna rai mo, arihon Amaku wain osa nnaku rei. Ia sahoro iunaku uaunaumo san rei runa una sima-simana waron iaisosiku na unare rei.

Yohanis 14:31

Ne sio mai tuniai rein mo, kahurae oanei ata Au mo, anoku runa Amaku, na Au una sae wan iaisosiku na unai. Mai, na ieuta arihon reini.”

Yohanis 16:3

Sio mka ouna san rei tau sio mo, oationa Au runa Amaku tewa.

Yohanis 17:25

Ama, Ano ese hae osa man tewa. Masike sio mai tuniai rein mo, oationaya tewa, Au uationaya runa we mampusua oanei ata Ano sahoro aisosiku.

Yohanis 17:3

Mansia oamahaiso okataya rotu-tu ria supan mo, oationaya. Oationa Ano wan Anahatana wain manisate osa ruai. Na oationa Au, Yesus Kristus, wain Ano aisosiku uhokaku mai tuniai rein.

Yohanis 3:2

Taue isa ihokai mai Yesus tau pumono. Hoka mai, iahata, “Ano Ona Matuhetene. Ami anei ata Ano mo, Anahatana iaisosia mai na nanie atuhetema. Tea mo, hasae ia isa wain Anahatana ikata runai sahoro ne kawasa iuna sima-simana sani Ano reini.”

Yohanis 3:33

Sio wason oparisaa tau sae waron iasau runare rei mo, noo sani oamanaku ata sae waron Anahatana iasau runare rei mo, pusire titue.

Yohanis 5:32

Ne ia isa honu wain isima rerihoni Au. Ia rei mo, Amaku ruai. Au uanei ata sae wan isima runare rerihoni Au mo, pusire manisata.

Yohanis 5:43

Uhokaku mai tuniai reini runa Amaku ne kawasa. Ne openemo oatarimaku. Ne sani ia tamene isa ihokai na ruai ne kawasa, omi oatarimai.

Yohanis 6:42

Oasau osi umau ata, “Ia reini mo, Yesus wain inai na amai ita iationaso rei, tea! Yusup anai, tea! Reiso nanie iasau ata ihokai on roe noiyaha mo, iakarota.”

Yohanis 7:14

Karisaa rei reeu onona tonu te ate sani rei nea, oyo Yesus ieui roe Anahatana ne numa mainisie nusue na iatuhete mansiau roe rei.

Yohanis 8:14

Yesus iahata, “Masike usima na ruaku, ne sae wan uasau runai rei mo, pusire titue. Areimo, tau uanei ata Au mo, uhokaku on roe noiyaha. Na Au iae uanei ata mka ununiku roe rei honu. Ne omi mo, oanei tewa, Au on supa na mka ununiku sui supan.

Yohanis 8:16

Ne sani uarinii mansia, sae waron uasau nnare mo, manisate. Areimo tau Au ruaku sahoro uariniiso mo, tewa. Au na Amaku wain iaisosiku rei, uama sahoro ariniiso.

Yohanis 8:19

Oyo sio onata rei oasei tau Yesus oahata, “Munata san rei mo, Amam wainpa?” Yesus iahata, “Oationa Au tewa reiso omi iae oationa Au amaku tewa oi. Sinana oationa Au, mka oationa Amaku oi.”

Yohanis 8:26

Nanie uasau osimo rerihoni mo rosau panesi asi. Ne, hasae nanie uasau rerihon sae waron Ia wain iaisosiku inina na uasau runare rei man. Sae waron iasau runare mo, titue. Usima osi sio mai tuniai reini runa sae waron uatinure arihoniki rei.”

Yohanis 8:42

Yesus iasau osi sio ona Yahudiu. Iahata, “Sani munata Anahatana mo, omi mo ama, areimo omi mka anomo na Au. Tea mo, uhokaku on roe Anahatana. Au wan reini mo, uhokaku pusu ruaku we maue tewa, ne uhokaku pusu Ia wain iaisosiki ne maue.

Yohanis 9:29

Ami anei nea ata Anahatana ianamana osi Musa. Ne Ia rei mo, ami anei tewa ata ihokai on supa.”

Atata 17:23

Tau sae, au ueu uhori omi mo kota rei, oyo unoo naniamo oainaa tanre. Unoo naniamo isa, sio okanu san rei tau naniamo rei, ‘Osi anahatana wani iationai tewa.’ Reiso Anahatana rei, wain omi oainisi oainaa runai ne oationai tewa, ia reimo, wain au usima osimo rei.

Titus 1:2

Reiso mka oparisaa ata oamahaiso rotu-tu ria supan. Anahatana ianei iakarota tewa. Oni ihaye tuniai reini tewasi, itotoe ata mka ne mansiau oamahaiso rotu-tu ria supan.

1 Yohanis 5:10

Reiso sani ia seia iparisaa ata Yesus mo, Anahatana Anai, areimo ianei ia-ia ata sae wan Anahatana isima runai nea rei rerihoni ruai, areimo titue. Ne sani ia seia iparisaa tewa tau sae wan Anahatana isima runai rei, areimo noo sani iasau ata Anahatana mo, iakarota. Tea mo, iparisaa tewa tau sae wan Anahatana isima runa Anai.