Yohanis 7:18 - Anahatana ne Anamanaya tau Sou Naunue

¹⁸ Ia sia wain iatuhete mansia pusu ruai ne pikiran, areimo hasae inina na mansiau oamuira ia man. Ne Au uatuhete maunauna waron rauna mansiau oamuira Amaku wain iaisosiku rei. Areimo retuhete ata Au mo, uakarota tewa. Reiso oparisaa tau we matuhetene iae, iake.

Yohanis 7:18 ပူးပေါင်းရင်းမြစ်များ

Yohanis 11:4

Yesus iatinu san rei, oyo iasau ata, “Kupue reimo, mka rehunui tewa. Ne, kupue reimo, mka reuna mansia onoo Anahatana ne kawasa wani mainae nai osa na mansiau oamuira Au, Anahatana Anai.”

Yohanis 12:28

Reiso hasae uainisi ata, ‘Ama, atuhete osi mansiau ata Ano mo, Ano mainae nai osa.’” Sira tau oatinu nioke isa on roe nante. Iasau ata, “Au uatuhete osi mansiau nea ata Au mo, Au mainae nai osa. Na Au mo, mka una mansia onoo we kawasa mainae honu.”

Yohanis 12:43

Onina na mansiau oamuiraso renesi onina na Anahatana iamuiraso.

Yohanis 5:41

Unina na mansiau oamuiraku tewa.

Yohanis 8:54

Oyo Yesus iahata, “Sani Au ruaku sahoro unina mansia na oamuiraku mo, oparisaa tanuku tewa iae, iake sinia. Ne ia wain iamuiraku mo, Amaku. Ia rei mo, Anahatana wain omi oasau ata oainisi ainaa nnai.

1 Tesalonika 2:6

Ami anina na omi te sio umau honu oamuirama tewa. Masike ami mani kawasa na atahasune na omi oamuirama tau ami wani Kristus ne maisosia, ami anina san rei tewa.

1 Yohanis 2:29

Oanei nea. Ia mo, Ia manisate. Oanei oi ata ia seia wain ia manisate mo, Amai tau Anahatana nea.