Yohanis 7:11 - Anahatana ne Anamanaya tau Sou Naunue

¹¹ Roe karisaa rei, sio Yahudiu no sio mainaya wason onina-nina Yesus. Oasei tau mansiau oahata, “Ia mo, wainpa?”

Yohanis 7:11 ပူးပေါင်းရင်းမြစ်များ

Yohanis 1:19

Taue isa, sio mainaya arihoni akama Yahudi roe kota Yerusalem oaisosi sio imam umau runa sio arihoni ipane Lewi umau. Sio Lewi oanori roe Anahatana ne numa mainisie oakahai sio imam. Sio mainaya oaisosiso na oeuso oasei tau Yohanis. Oasei tanui ata, “Ano reini mo, ano seia?” Oyo isima runa Yesus osiso.

Yohanis 11:56

Sio imam no sio mainaya na sio onata arihon akama Yahudi nanie osota Yesus. Reiso orui anamanae san rei, “Munata ia seia mani ianei Yesus wain sui supan mo, sima osima sansana.” Reiso sio wason ooso roe Anahatana ne numa mainisie nusue onina-nina Yesus. Oasau osi umau ata, “Pusu ano mo, sapan? Mka Yesus ieui mai karisaa reini te tewa?”

Yohanis 7:1

Yesus ianamana osi sio panesi pusi, oyo ieu ihori otoe Galilea. Ipenei ieu poe otoe Yudea. Areimo tau sio Yahudiu no sio mainaya wason onina arena nanie ohunui.

Yohanis 7:13

Ne ia sia man ikaitau ianamana mainae rerihoni Yesus na mansia pusiki oatinu. Areimo tau okaitau sio Yahudiu no sio mainaya.

Yohanis 7:15

Sio Yahudiu no sio mainaya osira oatinu Yesus iatuhete sio panesi roe rei. Oasau ata, “Ia reini mo, isikola akama tewa, tea! Reiso sapan na ianamana sani rei?”

Yohanis 9:12

Oasei tanui ata, “Reiso ia onate rei wain sui supan?” Iahata, “Uanei tewa”