Yohanis 6:9 - Anahatana ne Anamanaya tau Sou Naunue

⁹ “Ama. Ia iki hanaie isa wain rei. Irori poroti wan unai arihoni jelai. Irori hua nima runa ikaya use ua. Ne ralai tau ipana sio panesi reini tewa nai osa!”

Yohanis 6:9 ပူးပေါင်းရင်းမြစ်များ

Markus 6:38

Iahata, “Oeu onoo. Porotiu hua ina waromo?” Oeu onoo oyo, osima ata, “Porotiu hua nima waron runa ika use ua man.”

Markus 8:19

Naone ukuparehi porotiu hua nima mkana-mkana osi sio nihu nima, oyo oamanou nesia tau pakuna ina rotu-tu taua?” Oahata, “Pakuna hutusa rahana ua waron taua.”

Lukas 9:13

Ne iasau osiso iahata, “Omi sahoro opanaso!” Ne oahata, “Ami hasae ma porotiu hua nima runa ma ikaya use ua man. Sapani na aeu ahane muaine osi sio panesi reini?”

Yohanis 11:21

Marta iasau osi Yesus ata, “Upu, sinana tutua, hotaku panokoi tewa.

Yohanis 11:32

Taa Maria ihoka inoo Yesus, oyo irike tune mai Yesus uai anoe. Oyo iahata, “Upu. Sinana tutua mo, hotaku panokoi tewa.”

Yohanis 21:10

Oyo Yesus iahata, “Orori ikaya waron mato osupure rei use uasa te tonsa mai.”

Yohanis 21:13

Yesus ihoka inana poroti oyo irui osima ai. Inana ikae oi oyo irui osima ai oi.

Yohanis 21:9

Ahokama ria kaimenne, anoo usa akena. Anoo ata ia isa wain ikotu ikaya poe usa akena rai. Anoo poroti wamo nea oi.

Yohanis 6:11

Oyo Yesus inana poroti rei oyo, iainisi iake arihoni Anahatana. Iahata, “Amaku Anahatana, Ano mo, Ano iake. Asamama tau muaina raini.” Pusi, oyo isama-samare osi sio wason orueso sui monota rei pusiso. Inana ikaya use ua rai. Iainisi, oyo ikuparehire oyo isama-sama osi sio mansiau panesi rei oi. Isama-sama ikaya osiso oi. Pusiso oaiso rotu-tu tiao pokona.

Yohanis 6:7

Oyo Pilipus iasau osi Yesus ata, “Ama. Masike ia isa ipakarian hunana wanu oi, ne kati relai tewa na ihane poroti osi pusiso. Masike kihore mkana-mkana na samare sinta-sinta osiso sana osa-osa oi.”