Yohanis 6:70 - Anahatana ne Anamanaya tau Sou Naunue

⁷⁰ Oyo Yesus iasau ata, “Masike Au ruaku sahoro uroma omi hutusa rahana ua reini tau we mampusua, ne ia isa arihoni omi reini mo, mka ipusu ia aia sakahatene ne maue.”

Yohanis 6:70 ပူးပေါင်းရင်းမြစ်များ

Yohanis 13:18

Yesus iasau osi ne mampusua ata, “Uasau ata osupu iake, ne uanamana rerihon omi pusimo tewa. Uromamo, uanei mo hali nea. Ne uroma ia isa wain mka iaheniku na iuna sui sae wan sio okanui tau Anahatana ne anamanaya. Okanu san rei, ‘We neta wain saka uama iai ikataku, iuna we nisa.’

Yohanis 13:2

Ia aia sakahatene iakarema Yudas anoi nea. Yudas mo, Simon on pan nia Kariot anai rei. Reiso ia aia sakahatene iakarotai nanie iahen Yesus osi ne nisau. Ami mampusua wan aima akata Yesus.

Yohanis 13:21

Yesus ianamana san rei pusi, oyo anoi mtinte nai osa. Iahata, “Atinu mai ia-ia, nanie uasau osimo. Ia isa arihon om reini mka iaheniku osi we nisau.”

Yohanis 13:27

Taa Yudas inana poroti rei, ia aia sakahatene iamasuniki. Oyo Yesus iasau osiki ata, “Sae wan nanie aunai mo, unai rapu nea.”

Yohanis 15:16

Omi oroma Au tewa na ouna we mampusua. Ne Au ruaku sahoro uroma omi na una we mampusua. Uromamo na mo haliu pannuhu na Anahatana anoi sui osa. Mo haliu pannuhu na anoi, mka Amaku irui sae man wan oainisiki tau Au nanaku.

Yohanis 15:19

Sinana omi anomo osa na sio mai tuniai reini wason openeso tau Anahatana mo, mka anoo runamo sani anoo runa no mansiau. Ne omi mo, anomo osa na sio rei tewa. Tea mo, uroma omi nea na pene okata sio mai tuniai reini. Reiso openeso tanumo.

Yohanis 17:12

Oni ukataso asi mo, usakaso na we kawasa wan Ano aruiki osiku rei. Usaka runaso na okataya rotu-tu ria supan. Hasae ia osa man sahoro tewa. Ia rei mo, mka ikataya rotu-tu ria supan tewa na reeu san sae waron sio okanure tau me anamanaya.

Yohanis 2:2

Yesus runa ami, ne mampusua iae, sio oima tau ahokama tau karisaa rei oi.

Yohanis 20:24

Ia isa arihon Yesus ne mampusua hutusa rahana ua rei, nanai Tomas. Sio saka oiki tau Didimus oi. Didimus mo, nene manarti Ia Iki Alaleka. Tau Yesus iatuhete ruai osi ami ne mampusua rei mo, Tomas waimo ikatama tewa.

Yohanis 6:64

Ne Au uanei ata arihoni omi reini mo, sio umau wason oparisaa we maunauna tewa.” Yesus iasau san rei tau, on naon-naone nea mo, ianei ia sia man wason oparisaa tanui tewa. Na ianei nea ia sia wain mka iaheniki.

Yohanis 6:67

Oyo Yesus iasei tau ami, ne mampusua hutusa rahana ua rei. Iahata, “Pene tu-tu omi iae nanie oeu oarihoniku oi?”

Yohanis 6:71

Yesus ianamana rerihoni Yudas. Yudas mo, amai tau Simon on pan nia Iskariot. Masike ia mo, ia isa arihon Yesus ne mampusua hutusa rahana ua rei iae, mka iaheniki sinia.

Yohanis 8:44

Omi mo, mo ama tau ia aia sakahatene. Reiso omi mo, mo suka tau pusu ne maue. Oni mataanoe asi, ia aia sakahatene mo, saka ihunu mansia. Ia mo, ipenei tau sae wan manisate. Areimo tau ia mo, ia makarota onate. Makarotana pusire rahoka arihon ia.

Atata 1:17

Yudas, ia mo, naone ikata ita. Yesus ihitiki na ikata ita na pusita inana tanei osi Anahatana.”

Atata 13:10

oyo iasau, “He, ano wani ia aia sakahatene anai! Ano aka-karota reaso. Auna-una kahatene osiso. Apenea tau sio wason ouna manisate. Aka-karota rerihoni pusire waron Upuri iunai manisate. Arihoni akarota tewa.

1 Timotius 3:11

Sani rei honu runa no pinau. Kahurae sio bisa oamuiraso. Pene oruni mansia nanai. Kahurae oanei ruao runa sio bisa oparisaaso sui osa.

Titus 2:3

Isa honu, sio pina onata. Aunauso na sio manisata onata. Manisata onata na pene oruni mansia nanai runa pene oninu tihu minne panesi. Aunauso na oatuhete rerihoni sae waron iaka

1 Yohanis 3:8

Ne ia seia wain ipalalosa, areimo iuna ia aia sakahatene anai. Tea mo, on Anahatana ihaye tau tuniai reini, ia aia sakahatene saka ipalalosa. Reiso Anahatana Anai ihokai mai tuniai reini na iuna puta sae waron ia aia sakahatene iunare rei.