Yohanis 6:7 - Anahatana ne Anamanaya tau Sou Naunue

⁷ Oyo Pilipus iasau osi Yesus ata, “Ama. Masike ia isa ipakarian hunana wanu oi, ne kati relai tewa na ihane poroti osi pusiso. Masike kihore mkana-mkana na samare sinta-sinta osiso sana osa-osa oi.”

Yohanis 6:7 ပူးပေါင်းရင်းမြစ်များ

Markus 6:37

Ne iahata, “Omi sahoro opanaso.” Oahata, “Ira oe! Mka ahane poroti osi sio panesi rei sapan? Arai ranana kepen panesi.”

Yohanis 1:43

Nene han sani rei, Yesus iapamata sou nanie ieu poe otoe Galilea. Isupu Pilipus oyo iasau osiki ata, “Pilipus, mai na apusuku.”

Yohanis 1:44

Pilipus mo, ia on pan kota Betsaida. Anreas runa Petrus iae on pani kota rei oi.

Yohanis 1:45

Pusi oyo, Pilipus ieu isupu Natanael. Iahata, “Anoo! Ami asupu Ia waini naone Musa ikanu rerihoniki tau ne maunauna nea rei. Sio mamsima runa Anahatana ne maunauna iae oasau runa Ia rei naone nea oi. Ia mo, nanai Yesus, Yusup anai hanaie. Ia mo, ia arihoni nia Nasaret.”

Yohanis 1:46

Ne Natanael iahata, “Nasaret? Sae isa wan iake mo, rehokai on pan nia ikine rei mo, tewa!” Pilipus iahata, “Munata san rei mo, mai na ruam anoo tau matam!”

Yohanis 1:48

Oyo Natanael iasau osiki. Iahata, “Ama, sapani na Ano anei rerihoni au reini?” Yesus iasau ata, “Oni Pilipus ieu ioia tewasi oimo, unooa. Ano wapo ai ara nohue asi.”

Yohanis 12:5

Mina reimo, hunonie sani ia isa isupu kati tau musum osa. Nene iake mo, iaheniki na nene kepen, aruire osi sio mosokinia.”