Yohanis 6:66 - Anahatana ne Anamanaya tau Sou Naunue

⁶⁶ Oni orase reini, sio panesi wason opusui rei, oeu oarihoniki na openeso oeu pusui nea.

Yohanis 6:66 ပူးပေါင်းရင်းမြစ်များ

Lukas 9:62

Ne Yesus iahata, “Sani ia isa ieti tuamane, pene inoo hae muie tau tuamane wan ietiki rei nea. Mka ieti katopue tewa. Ne pakarian iake tewa. Kahurae inoo hae uae. Areimo sani ia wain nanie ianori tau Anahatana irime ne mansiau. Pene anoi repeka runa ne mansiau na sae waron iarihonre nea. Mka ianori iake tewa.”

Yohanis 2:2

Yesus runa ami, ne mampusua iae, sio oima tau ahokama tau karisaa rei oi.

Yohanis 6:60

Sio panesi wason opusu Yesus oatinu iruni rerihoni poroti rei oasau ata, “Maunaune reini mo, mtinte mainae. Ia sia man ianei kuai tewa.”

Yohanis 6:64

Ne Au uanei ata arihoni omi reini mo, sio umau wason oparisaa we maunauna tewa.” Yesus iasau san rei tau, on naon-naone nea mo, ianei ia sia man wason oparisaa tanui tewa. Na ianei nea ia sia wain mka iaheniki.

Yohanis 7:3

Yesus ne waniu oasau osiki ata, “Nene iake mo, aeua poe otoe Yudea na auna sima-simana arihon Anahatana poe rei na me mampusua rei onoore.

Yohanis 8:31

Yesus iasau osi sio Yahudiu wason oparisaa tanui nea rei. Iahata, “Sani munata opusu we maunauna, areimo titue-tue Au we mampusua tanumo.

2 Timotius 1:15

Ano anei nea ata sio wason oparisaa pusiso sui otoe Asia openeso tanuku. Pigelus runa Hermogenes iae openeso tanuku.

2 Timotius 4:10

Tau sae, Demas ieu iarihoniku nea. Anoi runa tuniai reini runa sae waron isupu mai rei reiso iarihoniku nea. Ieui pan niane Tesalonika nea. Kreskes ieui pan otoe Galatia nea. Titus ieui pan otoe Dalmatia nea.

1 Yohanis 2:19

Kristus ne nisau reimo, naone okatata. Ne muie reini mo, okatata tewa nea. Sinana titue-tue oparisaa tau Kristus ia-ia mo, mka okatata sui osa. Ne okatata tewa nea so, ianei ata sio mo, titue-tue oparisaa tau Kristus tewa.