Yohanis 6:64 - Anahatana ne Anamanaya tau Sou Naunue

⁶⁴ Ne Au uanei ata arihoni omi reini mo, sio umau wason oparisaa we maunauna tewa.” Yesus iasau san rei tau, on naon-naone nea mo, ianei ia sia man wason oparisaa tanui tewa. Na ianei nea ia sia wain mka iaheniki.

Yohanis 6:64 ပူးပေါင်းရင်းမြစ်များ

Yohanis 10:26

Ne oparisaa tanuku tewa. Tau omi mo, omi sani rompau waron nene mamsaka tamene.

Yohanis 18:4

Ne Yesus ianei nea na sae wan mka reyari tanui. Reiso ieu isupuso oyo iasei tanso ata, “We amau, nanie onina ia seia?”

Yohanis 5:42

Ne omi mo, Au uanei anomo. Omi mo, anomo runa Anahatana tewa.

Yohanis 6:36

Ne uasau osimo nea. Onooku nea, ne oparisaa tanuku tewa sirinia.

Yohanis 6:60

Sio panesi wason opusu Yesus oatinu iruni rerihoni poroti rei oasau ata, “Maunaune reini mo, mtinte mainae. Ia sia man ianei kuai tewa.”

Yohanis 6:61

Yesus ianei ata sio wason saka oeu pusui rei wason oana-namanaso pani muie rerihoni ne maunauna waron iasaure osiso rei. Reiso iasau osiso ata, “Openemo oatinu uasau san rei nan tau sae?

Yohanis 6:66

Oni orase reini, sio panesi wason opusui rei, oeu oarihoniki na openeso oeu pusui nea.

Yohanis 8:23

Ne Yesus iahata, “Omi mo, oamrae mai tuniai reini. Ne Au mo, uhokaku on roe noiyaha. Naniamo mai tuniai reini. Ne Au mo, tewa.

Yohanis 8:55

Omi oationai tewa, ne Au uationai. Sani uasau ata uationai tewa, areimo uakarota sani omi oi. Ne Au mo, uationai na upusu ne maunauna.

Atata 15:18

Au mo, omi moa Upu, uasau san rei. Mka au una sani masuae au una sio oasau.’”

2 Timotius 2:19

Ne Anahatana ne anamanaya, sio mka onenire tewa. Anahatana ne anamanaya sani numa aikune makae poe hue. Anahatana ne anamanaya rai rakahai sio wason oparisaa na oapamese. Numa ereoo tau nene aikune rei makae reiso repamese. Sani pusiso oanei ia numa upue ia seia tau sio okanu nanai tau hatu tinipae, “Upuri iationa sio wason titue-tue ne mansiau,” runa “Sio wason ooi Yesus tau ‘Upuku’, kahurae oarihoni no isanaya.”