Yohanis 6:62 - Anahatana ne Anamanaya tau Sou Naunue

⁶² Munata san rei, mka omi sapan sani onoo Au Tumata Reini Anahatana Ihitiku usaa na roe noiyaha honu?

Yohanis 6:62 ပူးပေါင်းရင်းမြစ်များ

Markus 16:19

Upuri Yesus iaunauso pusi, oyo Anahatana iapusaai na roe noiyaha. Roe rei, Yesus isupu kawasa reiso iruei mai Anahatana hanai wanane.

Lukas 24:51

Wain iainisi iake osiso, oyo sira tau Anahatana iapusaai na roe noiyaha. Ikataso tewa nea.

Yohanis 16:28

Uhokaku on roe Amaku mai tuniai reini. Ne nanie ueu arihon tuniai reini na ununiku roe Amaku.”

Yohanis 17:11

Mka urueku mai tuniai reini potuina tewa nea. Areimo tau nanie ununiku roe tanua nea. Ne sio mo, wason mai tuniai reini asi. Ama, Ano wan manisate onate, sakaso na me kawasa wan aruiki osiku rei. Sakaso na pusiso anoo osa, nooi sani ita ua wan anori osa.

Yohanis 3:13

Ia isa man iae isaai roe noiyaha tewa. Ne hasae Au Tumata Reini, Anahatana Ihitiku, sahoro ukaisunu on roe noiyaha nea.

Yohanis 6:27

Pene opakarian onina muaine wan mka rekopui. Ne, onina muaine wan mka rekahate tewa. Onina muaine wan reunamo oamahaimo okata Anahatana rotu-tu ria supan. Muaine rei mo, hasae Au, Tumata Reini mo, Anahatana Ihitiku sahoro mka uruiki osimo. Areimo tau Au mo, Amaku irui kawasa osiku nea.”

Yohanis 6:42

Oasau osi umau ata, “Ia reini mo, Yesus wain inai na amai ita iationaso rei, tea! Yusup anai, tea! Reiso nanie iasau ata ihokai on roe noiyaha mo, iakarota.”

Yohanis 6:53

Oyo Yesus iasau ata, “Oatinu mai ia-ia nanie uasau osimo. Ia sia wain iai Au Tumata reini Anahatana Ihitiku tinaiku tewa, na ininu nasiku tewa, ia mo, mka iamahaiki ikata Anahatana rotu-tu ria supan tewa.

Atata 1:9

Iasau san rei oyo, Anahatana iapusaai roe noiyaha noi sio mata kahutua. Oyo yahu renetei reiso onooi tewa nea.