Yohanis 6:60 - Anahatana ne Anamanaya tau Sou Naunue

⁶⁰ Sio panesi wason opusu Yesus oatinu iruni rerihoni poroti rei oasau ata, “Maunaune reini mo, mtinte mainae. Ia sia man ianei kuai tewa.”

Yohanis 6:60 ပူးပေါင်းရင်းမြစ်များ

Yohanis 2:2

Yesus runa ami, ne mampusua iae, sio oima tau ahokama tau karisaa rei oi.

Yohanis 5:25

Oatinu mai ia-ia nanie uasau osimo. Mka nene orase rehokai na sio wason oparisaa tau Au tewa mo, mka oatinu Au, Anahatana Anai, nioku. Sio reimo, nooso sani sio matana. Ne wain iatinu tanuku mo, mka iamahaiki ikata Anahatana rotu-tu ria supan. Orase rei mo, wan reeu nea.

Yohanis 6:52

Sio Yahudiu rei oatinu san rei, oyo otuntana na umau. Oahata, “Ia hanaie reini ianamana ne sae reini? Sapani na irui tinain osi ita iaiki?”

Yohanis 6:64

Ne Au uanei ata arihoni omi reini mo, sio umau wason oparisaa we maunauna tewa.” Yesus iasau san rei tau, on naon-naone nea mo, ianei ia sia man wason oparisaa tanui tewa. Na ianei nea ia sia wain mka iaheniki.

Yohanis 6:66

Oni orase reini, sio panesi wason opusui rei, oeu oarihoniki na openeso oeu pusui nea.

Yohanis 7:3

Yesus ne waniu oasau osiki ata, “Nene iake mo, aeua poe otoe Yudea na auna sima-simana arihon Anahatana poe rei na me mampusua rei onoore.

Yohanis 8:31

Yesus iasau osi sio Yahudiu wason oparisaa tanui nea rei. Iahata, “Sani munata opusu we maunauna, areimo titue-tue Au we mampusua tanumo.

Yohanis 8:43

Omi mo, openemo tau we maunauna. Reiso oaneire tewa.