Yohanis 6:53 - Anahatana ne Anamanaya tau Sou Naunue

⁵³ Oyo Yesus iasau ata, “Oatinu mai ia-ia nanie uasau osimo. Ia sia wain iai Au Tumata reini Anahatana Ihitiku tinaiku tewa, na ininu nasiku tewa, ia mo, mka iamahaiki ikata Anahatana rotu-tu ria supan tewa.

Yohanis 6:53 ပူးပေါင်းရင်းမြစ်များ

Lukas 13:3

Areimo titue tewa tea! Ne sani oarihoni mo rosau tewa mo, mka Anahatana iapasana pusimo na omatamo oi.

Lukas 13:5

Areimo titue tewa tea! Ne sani oarihonimo rosau tewa mo, mka Anahatana iapasana pusimo na omatamo oi.”

Yohanis 13:8

Ne Petrus iahata, “Pene, Upu! Masike rotu-tu umataku iae, upeneku utapia asohu au aiku.” Ne Yesus iahata, “Sani usohu aim atua tewa, areimo ano mo, auna Au we mampusue tewa nea.”

Yohanis 15:4

Omi mo, kahurae anomo osa na Au sui osa. Sani anomo osa na Au, mka Au iae anoku osa runa omi oi. Ai sanae wani oretui arihon nene tinaie nea mo, mka reuhua tewa nea. Omi iae sani rei oi. Sani oamahaimo anomo osa runa Au tewa mo, mka oauhua tewa. Areimo, mo hali pannuhu na Anahatana anoi tewa. Reiso kahurae anomo osa na Au na oauhua.

Yohanis 3:3

Iahata, “Atinu mai ia-ia nanie uasau osia. Ia seia man iae wain iamrae honu tewa, mka Anahatana irime ne mansiau, ia mka ipusu tewa.”

Yohanis 3:36

Reiso ia seia man wain iparisaa tau Anahatana Anai mo, wain iamahaiki ikata Anahatana rotu-tu ria supan nea. Ne ia seia wain iparisaa tau Anahatana Anai tewa, areimo mka iamahaiki ikata Anahatana rotu-tu ria supan tewa oi. Ne Anahatana anoi resaa tanui na mka iapasanai.”

Yohanis 3:5

Iahata, “Atinu mai ia-ia nanie uasau osia. Sani ia isa nanie ipusu tau Anahatana irime ne mansiau, ia mo, kahurae osohu heu ne rosau tau tihu. Na kahurae Anahatana ne Inaha irui kawasa osiki na ne hali honue.

Yohanis 6:47

Oatinu mai ia-ia nanie uasau osimo! Omi wan oparisaa tau Au mo, mka oamahaimo okata Anahatana rotu-tu ria supan.

Yohanis 6:51

Au mo, poroti wan reuna mansia oamahaiso rotu-tu ria supan ukaisunu on roe noiyaha. Ia seia wain iai poroti rei mo, mka iamahaiki ikata Anahatana rotu-tu ria supan. Poroti wan uasau runai rei mo, Au ruaku tinaiku wan uruiki osi mansia mai tuniai reini na oamahaiso okata Anahatana rotu-tu ria supan.”

Yohanis 6:55

Tea mo, Au tinaiku mo, muaine wan manisate. We nasi mo, mamninue wan manisate.

Yohanis 6:62

Munata san rei, mka omi sapan sani onoo Au Tumata Reini Anahatana Ihitiku usaa na roe noiyaha honu?

1 Yohanis 5:12

Reiso ia seia wain anoi osa runa Anai, areimo wain iamahaiki ikata Anahatana nea. Ne ia seia wain anooi osa runa Anahatana Anai tewa, areimo iamahaiki ikata Anahatana tewa.