Yohanis 6:5 - Anahatana ne Anamanaya tau Sou Naunue

⁵ Yesus ihetu unui inoo ria nau. Inoo san rei mo, mansia hutue wason oeuso mai tanui. Reiso iasau osi ne mampusue isa wain nanae Pilipus. Iahata, “Pilipus. Kani ihane poroti sui supa na ipana sio panesi reini?”

Yohanis 6:5 ပူးပေါင်းရင်းမြစ်များ

Markus 6:32

Reiso osaa arupae, oeuso pan otoe huie.

Lukas 9:10

Yesus ne maisosia osima runa Sou Iake rerihoni Yesus na osuisene sio kupua, oyo onunso poe Yesus honu. Hoka poe, oyo osima runa sae waron ounare rei pusire osiki. Osima pusi, oyo Yesus ieu ikataso poe nia Betsaida na sio ruao man.

Yohanis 1:43

Nene han sani rei, Yesus iapamata sou nanie ieu poe otoe Galilea. Isupu Pilipus oyo iasau osiki ata, “Pilipus, mai na apusuku.”

Yohanis 1:44

Pilipus mo, ia on pan kota Betsaida. Anreas runa Petrus iae on pani kota rei oi.

Yohanis 1:45

Pusi oyo, Pilipus ieu isupu Natanael. Iahata, “Anoo! Ami asupu Ia waini naone Musa ikanu rerihoniki tau ne maunauna nea rei. Sio mamsima runa Anahatana ne maunauna iae oasau runa Ia rei naone nea oi. Ia mo, nanai Yesus, Yusup anai hanaie. Ia mo, ia arihoni nia Nasaret.”

Yohanis 1:46

Ne Natanael iahata, “Nasaret? Sae isa wan iake mo, rehokai on pan nia ikine rei mo, tewa!” Pilipus iahata, “Munata san rei mo, mai na ruam anoo tau matam!”

Yohanis 1:48

Oyo Natanael iasau osiki. Iahata, “Ama, sapani na Ano anei rerihoni au reini?” Yesus iasau ata, “Oni Pilipus ieu ioia tewasi oimo, unooa. Ano wapo ai ara nohue asi.”

Yohanis 4:35

Mansiau saka oasau ata, ‘Nesie hunana ate oyo iapahia nisi tea!’ Ne Au uasau osimo onoo sio Samaria wason sio Yahudiu tewa. Sio nanie oparisaa we maunaune. Sio mo, nooso sani atuhu isia noi nisi waron nanie mtuaya nea, reiso nanie oapahia nisi nea.