Yohanis 6:41 - Anahatana ne Anamanaya tau Sou Naunue

⁴¹ Oatinu Yesus iasau ata “Au mo, Au poroti wan on roe noiyaha.” Reiso sio Yahudiu oana-namanaso pani muie.

Yohanis 6:41 ပူးပေါင်းရင်းမြစ်များ

Lukas 15:2

Ne sio onata arihon akama Yahudi runa sio matuhete Musa ne maunauna umau oamum ananaso. Oahata, “Ikata sio palalosaya. Orue oaiso okata umau.”

Lukas 19:7

Ne sio wason onoo rei, oamum ananaso. Oahata, “Ira oe! Ieui poe, iruei poe ia palalosae ne numa!”

Lukas 5:30

Ne sio onata arihon akama Yahudi runa sio matuhete Musa ne maunauna oakapuku tau ne mampusua. Oahata, “Nanie oaimo okata sio mainisi peau runa sio umau wason opalalosa oi tahae?”

Yohanis 1:19

Taue isa, sio mainaya arihoni akama Yahudi roe kota Yerusalem oaisosi sio imam umau runa sio arihoni ipane Lewi umau. Sio Lewi oanori roe Anahatana ne numa mainisie oakahai sio imam. Sio mainaya oaisosiso na oeuso oasei tau Yohanis. Oasei tanui ata, “Ano reini mo, ano seia?” Oyo isima runa Yesus osiso.

Yohanis 6:33

Areimo tau poroti tunne wan Anahatana iruiki mo, ikaisunu on roe noiyaha. Ia sahoro iapuhai mansia mai tuniai reini rotu-tu ria supan.”

Yohanis 6:43

Ne Yesus iasau ata, “Pene oana-namanamo pani muie.

Yohanis 6:48

Sani poroti reuna tinairi ramahaiso, Au mo, uapuhaimo na okata Anahatana rotu-tu ria supan.

Yohanis 6:58

Reiso Au reini mo, poroti wan rekaisunui on roe noiyaha. Poroti wani Au uruiki mo, nooi sani poroti wan mo upu momou oaiki rei mo, tewa. Masike oai poroti rei iae omataso sirinia. Ne ia sia man iai poroti wan Au uruiki mo, mka iamahaiki ikata Anahatana rotu-tu ria supan.”

Yohanis 6:60

Sio panesi wason opusu Yesus oatinu iruni rerihoni poroti rei oasau ata, “Maunaune reini mo, mtinte mainae. Ia sia man ianei kuai tewa.”

Yohanis 6:66

Oni orase reini, sio panesi wason opusui rei, oeu oarihoniki na openeso oeu pusui nea.

Yohanis 7:12

Mansia panesi wason roe karisaa rei oarahuhu osi umau rerihoni Yesus. Sio umau oahata, “Ia mo, Ia mansia iake!” Ne sio umau honu oasau ata, “Tewa. Ia mo, Ia iakarota sio panesi.”