Yohanis 6:38 - Anahatana ne Anamanaya tau Sou Naunue

³⁸ Areimo tau usipu on roe noiyaha na una pusu ruaku we maue mo, tewa. Ne nanie una pusu Amaku wain iaisosiku rei ne maue.

Yohanis 6:38 ပူးပေါင်းရင်းမြစ်များ

Yohanis 3:13

Ia isa man iae isaai roe noiyaha tewa. Ne hasae Au Tumata Reini, Anahatana Ihitiku, sahoro ukaisunu on roe noiyaha nea.

Yohanis 3:17

Tea mo, Anahatana iaisosi Anai rei, na iapasana omi mai tuniai reini tewa. Ne nanie iapuheumo na orue okatai rotu-tu ria supan.

Yohanis 3:31

Ia mo, ihokai on roe noiyaha. Reiso Ia mo, ia mainae inesi ia sia man. Ne sio wason oamrae arihoni no mansia mainaya mai tuniai reini mo, sio mansiau man. Hasae oanamana rerihoni sae waron mai tuniai reini. Ne Yesus ihokai on roe noiyaha reiso Ia ne anamanaya mainaya ranesi ia sia man.

Yohanis 4:34

Oyo Yesus iasau osiso, “Amaku Anahatana iaisosiku na upusu ne maue na una sae waron inina na Au unare. Uamahaiku na una san rei, areimo sani Au we muaina.

Yohanis 5:19

Yesus iasau osi sio mainaya arihoni akama Yahudi. Iahata, “We amau, oatinu mai ia-ia nanie uasau osimo ia-ia. Au, Anahatana Anai, una sae isa mo, upusu ruaku we maue tewa. Au mo, hasae una sae wan unoo Amaku iunai. Areimo noso sae wani Amaku iunai, Au iae una rei oi.

Yohanis 5:30

Ne uapasana mansia pusu ruaku we kawasa tewa. Uapasana mansia pusu sae wan Amaku iasau osiku na unai. Uapasana mansiau mo, uese hae osa man tewa. Tea mo, upusu ruaku we maue mo, tewa. Ne upusu Amaku ne maue. Ia sahoro iaisosiku uhokaku mai tuniai reini.”

Yohanis 6:29

Iahata, “Anahatana ne maue mo, na omi oparisaa tau Au wan iaisosiku uhokaku mai tuniai reini.”

Yohanis 6:33

Areimo tau poroti tunne wan Anahatana iruiki mo, ikaisunu on roe noiyaha. Ia sahoro iapuhai mansia mai tuniai reini rotu-tu ria supan.”

Yohanis 6:42

Oasau osi umau ata, “Ia reini mo, Yesus wain inai na amai ita iationaso rei, tea! Yusup anai, tea! Reiso nanie iasau ata ihokai on roe noiyaha mo, iakarota.”

Yohanis 6:57

Au Amaku wain iapuhai pusire sahoro iaisosiku uhokaku mai tuniai reini. Na Au uamahaiku reini mo, noso Amaku iapuhaiku. Reiso sio wason oai Au tinaiku mo, mka oamahaiso rotu-tu ria supan noso sae wan Au unai osiso.