Yohanis 6:35 - Anahatana ne Anamanaya tau Sou Naunue

³⁵ Yesus iahata, “Au reini mo, poroti wan uapuhai mansia na ikata Anahatana rotu-tu ria supan. Ia sia wain ihoka mai tanuku mo, mka imakanea tewa nea. Na ia sia wain iparisaa tanuku mo, mka anoi kasae tewa nea.

Yohanis 6:35 ပူးပေါင်းရင်းမြစ်များ

Lukas 6:25

Omi wani tiamo pokona muie reini, mka usupu siraka. Mka omakaneamo. Omi wani oaumani anomo mirika muie reini, mka osupu siraka. Mka orani anomo rapunokoso.

Yohanis 4:15

Ne ia pina rei ianei sae wan Yesus iasau runai rei tewa. Reiso iasau ata, “Upu, munata san rei mo, rui tihu rei osiku mai nea, na pene anoku kasae nea. Na pene ueuku mai uripa tihu sui osa nea.”

Yohanis 5:40

Ne openemo oparisaa tau Au na oamahaimo okata Anahatana rotu-tu ria supan.

Yohanis 6:37

Ia sia man wain Amaku iruiki na ouna we mansiau rei mo, mka oeuso mai tanuku. Na ia sia wain ihokai mai tanuku mo, mka uapusaa pusiso. Uneiso tewa.

Yohanis 6:41

Oatinu Yesus iasau ata “Au mo, Au poroti wan on roe noiyaha.” Reiso sio Yahudiu oana-namanaso pani muie.

Yohanis 6:65

Oyo iasau ata, “Omi umau wan oparisaa we maunauna tewa reiso uasau osimo nea ata hasae sio wason Anahatana ihuka anoo sahoro oparisaa tanuku na oamahaiso rotu-tu ria supan.”