Yohanis 6:29 - Anahatana ne Anamanaya tau Sou Naunue

²⁹ Iahata, “Anahatana ne maue mo, na omi oparisaa tau Au wan iaisosiku uhokaku mai tuniai reini.”

Yohanis 6:29 ပူးပေါင်းရင်းမြစ်များ

Markus 16:16

Ia seia wain iparisaa, oyo osohui na mansiau oanei ata iarihon ne rosau nea, Anahatana iapuheui na pene iapasanai. Ne ia seia iparisaa tewa, mka Anahatana iapasanai.

Yohanis 3:36

Reiso ia seia man wain iparisaa tau Anahatana Anai mo, wain iamahaiki ikata Anahatana rotu-tu ria supan nea. Ne ia seia wain iparisaa tau Anahatana Anai tewa, areimo mka iamahaiki ikata Anahatana rotu-tu ria supan tewa oi. Ne Anahatana anoi resaa tanui na mka iapasanai.”

Yohanis 5:39

Oarinii Anahatana ne anamanaya ia-ia noso omi ata kani oariniire, mka osupu arena na oamahaimo kata Anahatana rotu-tu ria supan. Ne Anahatana ne anamanaya rai rasima rerihoni Au.

Yohanis 6:28

Oyo oasei tanui ata, “Ama! Reiso munata san rei mo, kahurae auna sae na apusu Anahatana ne maue?”

Yohanis 6:38

Areimo tau usipu on roe noiyaha na una pusu ruaku we maue mo, tewa. Ne nanie una pusu Amaku wain iaisosiku rei ne maue.

Yohanis 6:57

Au Amaku wain iapuhai pusire sahoro iaisosiku uhokaku mai tuniai reini. Na Au uamahaiku reini mo, noso Amaku iapuhaiku. Reiso sio wason oai Au tinaiku mo, mka oamahaiso rotu-tu ria supan noso sae wan Au unai osiso.

Atata 16:31

Sio on poe oasau san rei, “Parisaa tau Upuri Yesus Kristus, oyo Anahatana iapuheua. Ano runa sio pusiso wason orueso tau me numa.”

1 Tesalonika 1:3

Ami ainisi tau Amari Anahatana, anoma rapeka runa mo atata waron omi ounare tau omi oparisaa. Anoma rapeka sapani na oanori runaso tau anomo runa Anahatana. Anoma rapeka sapani na oapamese. Masike sio ounamo sinsaramo iae, oapamese sirinia. Tau sae, oparisaa runa Upuri Yesus Kristus.

Yakobis 2:22

Kahurae anei ata iparisaa man tewa. Ne ipusu ne maunauna oi. Ipusure reiso iparisaa pusi anoi.

1 Yohanis 3:23

Ne maunauna mo, anori runa umau na kahurae iparisaa ata Yesus Kristus mo, Anahatana Anai. Kristus iaisosita iuna san rei nea.

1 Yohanis 5:1

Ia seia wain iparisaa ata Yesus mo, Ia Aia wain Anahatana Ihitiki na Iapuheu Mansiau, ia reimo Amai tau Anahatana. Ia seia wain anoi runa Amari Anahatana, areimo mka anoi runa sio wason no Ama tau Anahatana.