Yohanis 6:24 - Anahatana ne Anamanaya tau Sou Naunue

²⁴ Sio panesi rei onoo Yesus runa ne mampusua wasumo rei tewa nea. Reiso osaa no arupaeu rai oyo oeuso na ria kota Kapernaum onina Yesus.

Yohanis 6:24 ပူးပေါင်းရင်းမြစ်များ

Markus 1:37

Taa osupui, oasau osiki ata, “Sio pusiso wason oeu oninaya rei!”

Markus 6:53

Reiso ohokaso pan hae, oyo opesi hatu aie pan tihue wan nanae Genesaret.

Lukas 8:40

Yesus inuniki on nau waene, on nau hae. Sio panesi onapai reiso oatarimai.

Yohanis 20:15

Oyo Yesus iasau osiki ata, “Ano pina onate, arani tau sae rei? Anina ia seia?” Maria ata kan ia rei mo, ia mamsaka nisi rei. Reiso iasau ata, “Upu! Sani munata ano sahoro anana Upuku ne tihane hatae mo, asau osiku mai. Aunutui sui supa na ueu unanai.”

Yohanis 6:17

Oyo asaa ma arupae nanie aeuma ria hae, ria kota Kapernaum. Wapan pumono nea. Ne Yesus masi ihoka nau tanuma tewa sirinia.

Yohanis 6:23

Oyo sio umau ohokaso osaa no arupaeu on pan Kota Tiberias. No arupaeu rai ramanu-manuso haineke Upuri Yesus naniai wan potusi iainisi iake arihoni Anahatana oyo ipana sio panesi rei tau porotiu hua nima rei.

Yohanis 6:26

Iahata, “Oatinu mai ia-ia nanie uasau osimo. Oeu oninaku tewa noso onoo sima-simana waron ratuhete ata we kawasa arihon Anahatana. Ne oninaku noso oai poroti wan oaiki rotu-tu tiamo pokona rei.

Yohanis 6:59

Yesus iasau runa rai pusire osi sio panesi reimo tau wain iatuhete sio panesi pan sio Yahudiu no numa mananoune pan kota Kapernaum.

Yohanis 7:11

Roe karisaa rei, sio Yahudiu no sio mainaya wason onina-nina Yesus. Oasei tau mansiau oahata, “Ia mo, wainpa?”