Yohanis 6:15 - Anahatana ne Anamanaya tau Sou Naunue

¹⁵ Ne Yesus ianei ata sio panesi reimo nanie otentenei na iuna no aia. Reiso ieu arihon tihue otoe rei roe pupua honu na ruai man pan rei.

Yohanis 6:15 ပူးပေါင်းရင်းမြစ်များ

Markus 11:9

Yesus isaa makapana rei oyo reeu roe papita runa ai sanaya rai nanie inusui pan Yerusalem. Sio umau oeu roe uae, sio umau hae muie. Mansia pusiki oakapona. “Ainaa na Anahatana. Arui iake osi ia wain ihokai tau ma Upu nanai.

Lukas 19:38

Mani Upu, arui iake osi Ia Aia wain aratiki runa me kawasa. Naone noo mansia mai tuniai sani Ano roe noiyaha me nisau. Ne muie reini nanie aunaso oi neta tanua. Ainaa nnaya waro noiyaha.”

Yohanis 18:36

Oyo Yesus iasau osiki ata, “Au una aia mo, sio mai tuniai reini ohitiku tewa. Ne sani Au una aia, sio mai tuniai rein ohitiku, sinasi we mampusua oanahitana oneteku na pene sio Yahudiu no sio mainaya osotaku. Ne tewa. Au una aia mo, sio mai tuniai reini ohitiku tewa.”

Yohanis 5:41

Unina na mansiau oamuiraku tewa.

Yohanis 6:22

Yesus ieu roe waene hahae, sio panesi asi wason nau nakane wan nanae Galilea nusue sirinia. Nene han roe san rei, osira tau Yesus tutui tewa nea. Potusi onoo arupae osa mtola man. Ne oanei ata Yesus ne mampusua osaa arupae rei na ria hae ria kota Kapernaum nea, ne isaa ikataso tewa.

Yohanis 6:3

Ihokai ria nakane ria hae, inoai na roe pupue isa. Hoka roe, iruei poe ikata ne mampusua.