Yohanis 5:20 - Anahatana ne Anamanaya tau Sou Naunue

²⁰ Tea mo, Amaku anoi runaku. Iatuhete osiku runa sae man waron Ia ruai iunare. Mato-mato rei usuisene ia wain ikupui rei. Ne mka Anahatana iatuheteku una sima-simana waron mainaya ranesi usuisene sio kupua, reiso mka omi osira.

Yohanis 5:20 ပူးပေါင်းရင်းမြစ်များ

Lukas 10:22

Yesus iainaa na Anahatana oyo iahata, “Amaku Anahatana iatuheteku na irui kawasa osiku na Au una taneiu waron iruire osiku. Hasae Amaku sahoro ianei Au mo, Au sia. Hasae Au na sio wason uatuheteso oanei Amaku Anahatana ne hali sapan.”

Yohanis 1:18

Ia seia man inoo Anahatana tewa. Hasae Anai osa ruai tunne wain ihaineke runai man, sahoro isima runa Amai Anahatana osita nea.

Yohanis 10:32

Ne Yesus iahata, “Omi onoo sima-simana panesi nea waron Amaku iaisosiku na unare. Reiso arihon sima-simana rai mo, sima-simane sae sahoro reunamo na nanie orauku tau hatu na ohunuku?”

Yohanis 14:12

Oatinu mai ia-ia, nanie uasau osimo. Ia seia man wain iparisaa tau Au mo, mka iuna sima-simana sani waron Au unare rei. Mka iuna sima-simana ranesi waron Au unare. Areimo tau nanie ueuku roe Amaku nea.

Yohanis 15:15

Uoimo tau manianeu tewa nea. Tea mo, ia maniane mo, ianei sae wan upui iunai tewa. Ne uoimo tau we netau. Tea mo, usima osimo nea rerihon sae man wan uatinure arihon Amaku.

Yohanis 17:26

Au uatuheteso reiso oationaya nea. Mka uatuheteso san rei sui osa na anoo na umau, noo sani anom na Au runa anoku osa nnaso oi.”

Yohanis 3:35

Anahatana anoi runa Anai hanaie na irui kawasa pusire osiki.

Yohanis 5:21

Noo sani Amaku iuna mansia matane iamahaiki honu. Reiso Au iae, mka uapuhai mansia matane pusu ruaku we maue.

Yohanis 5:25

Oatinu mai ia-ia nanie uasau osimo. Mka nene orase rehokai na sio wason oparisaa tau Au tewa mo, mka oatinu Au, Anahatana Anai, nioku. Sio reimo, nooso sani sio matana. Ne wain iatinu tanuku mo, mka iamahaiki ikata Anahatana rotu-tu ria supan. Orase rei mo, wan reeu nea.

Yohanis 5:29

Mka ohokaso arihoni kupuro anoa na oamahaiso honu. Ia sia wain on mai tuniai iamanisa, mka iamahaiki honu na iamahaiki rotu-tu ria supan ikata Anahatana. Ne ia sia wain on mai tuniai mo, iuna kahatene mka iamahaiki honu, uapasanai.