Yohanis 4:16 - Anahatana ne Anamanaya tau Sou Naunue

¹⁶ Oyo Yesus iahata, “Eua na aoi saham mai, samatoro eu akatai mai rei.”

Yohanis 4:16 ပူးပေါင်းရင်းမြစ်များ

Yohanis 1:42

Oyo Anreas irori kakai osi Yesus. Yesus inoo mai Simon ia-ia, oyo iasau osiki. Iahata, “Nanam Simon. Amam nanai Yohanis. Ne uhete nanam tau Kepas.” (Kepas nene nohue tau sou Yunani mo, Petrus. Petrus nene nohue mo, hatu.)

Yohanis 21:17

Ita Yesus iasei tau Petrus nai osa honu. “Simon, Yohanis anai. Ano mo, anom runa Au te tewa?” Iatinu san rei oyo anoi rekahate pusiki. Tea mo, Yesus iasei tanui nai tonu nea ata anoi runai te tewa. Oyo iasau osi Yesus ata, “Upu, Ano anei pusire. Anei ata au mo, anoku runaya.” Ita Yesus iasau osiki honu ata, “Munata san rei mo, apiara we mansiau wason oparisaa tanuku ia-ia, noo sani ia mamsaka rompau iapiara ne rompau.

Yohanis 4:15

Ne ia pina rei ianei sae wan Yesus iasau runai rei tewa. Reiso iasau ata, “Upu, munata san rei mo, rui tihu rei osiku mai nea, na pene anoku kasae nea. Na pene ueuku mai uripa tihu sui osa nea.”

Yohanis 4:17

Iahata, “Ne au mo, uausahaku tewasi.” Yesus iahata, “Sae wamo asaui rei mo, titue. Ano mo, ausahaya tewasi.

Yohanis 4:18

Ano mo, ausahaya nai nima nea. Ne ia waipo iruei ikataya poe me numa rei mo, saham tewa oi. Tea mo, uamo oaisenemo tewasi. Reiso sae wan inaku asaui rei mo, titue.”