Yohanis 3:19 - Anahatana ne Anamanaya tau Sou Naunue

¹⁹ Anahatana iapasana sio mai tuniai reini san rei. Anai ihokai mai tuniai reini atieu rei sani manahane na iatuhete sae wan manisate osi mansia. Ne sio anoo runa pumono. Anoo runa kahatene. Anoo runa manahane rei tewa. Tea mo, no atata kahatena. Reiso mka Anahatana iapasanaso.

Yohanis 3:19 ပူးပေါင်းရင်းမြစ်များ

Lukas 12:47

Sani ia manorine ianei upui ne maue ne iuna upui ne maue rei tewa, areimo mka upui rei ihita hunui.

Lukas 16:14

Yesus ianamana osi sio panesi, sio onata arihon akama Yahudi iae wasumo rei oi. Reiso oatinu Yesus ianamana rerihoni sio kupan na sio wason anoo tau no numa hutae mo, oaumaniki. Tea mo, sio onata rei anoo runa kepen.

Yohanis 1:4

Ia sahoro iuna pusire ramahai. Ia wain iapuhaita rei mo, irori manahane osi mansia pusiki na oanei sae sahoro manisate.

Yohanis 1:5

Mansia mo, openeso tau Sou rei, tau iatuhete ata ouna kahatene. Ne sio kahatena onete kua Sou rei tewa. Noo sani pumono renete kua manahane tewa. Sou rei iatuhete sae sahoro manisate sirinia.

Yohanis 12:31

Areini mo, orase tau Anahatana iapasana sio mai tuniai reini. Orase reini oi iae Anahatana nanie inei ia aia sakahatene wain ne kawasa tau tuniai reini.

Yohanis 12:43

Onina na mansiau oamuiraso renesi onina na Anahatana iamuiraso.

Yohanis 12:46

Au wan uhokaku mai tuniai rein na uatuhete Anahatana ne arena osimo. Au sani manahane wan retuhete arena na onoo mosa. Uhokaku na ia seia wain iparisaa tau Au, mka irue iapumonoi tewa nea.

Yohanis 5:44

Reiso onina na mansiau oamuiramo. Ne onina tewa na Anahatana wain ia osa man rei iamuiramo. Reiso oparisaa tau Au tewa.

Yohanis 7:17

Ia seia nanie ipusu Anahatana ne maue mo, mka ianei ata sae waron Au uatuhetere reini mo, rahoka arihon Anahatana te arihon Au ruaku.

Yohanis 7:7

Areimo tau sio mai tuniai reini mo, openeso tau omi tewa. Ne openeso tau Au. Openeso tanuku noso uasau ata no haliu waron kahatena.

Yohanis 8:12

Yesus ianamana osi sio panesi wason oamanouso roe Anahatana ne numa mainisie nusue rei honu. Iahata, “Au mo, noo sani manahane osi mansia pusiki mai tuniai reini anoo. Nooi sani manahane resita sae man wan noi pumono na inoo mosai. Ia sia man wain ipusu Au mo, mka ieu pusu pumono tewa. Ne ieu pusu manahane. Manahane rei retuhetei sapani na mka iamahaiki ikata Anahatana rotu-tu ria supan.”

2 Tesalonika 2:12

Anahatana iunaso oparisaa tau maunau makarotana na sio wason openeso oparisaa tau maunau titue ne okaumin runa kahatene, mka iapasanaso.