Yohanis 21:20 - Anahatana ne Anamanaya tau Sou Naunue

²⁰ Petrus iuni inoo mo, au wan upususo. Au sahoro urue haineke Yesus tau naone arue ai karisaa ami Yahudiu anoma rapeka na ma upu momou oeu arihon otoe Mesir rei. Oyo uasei tau Yesus ata, “Upu, ia seia wain mka iahenia?”

Yohanis 21:20 ပူးပေါင်းရင်းမြစ်များ

Yohanis 20:2

Reiso, iruma inina Simon Petrus runa au, Yesus ne mampusue wain anoi runaku, na isima osima. Iahata, “Sio onana Upuri ne tihane hatae arihon kupuro anoe nea. Ne ami anei tewa ata sio oaunutui sui supa!”

Yohanis 21:21

Petrus inooku oyo iasei tau Yesus rerihoni au ata, “Upu, oyo mka sapan na ia rei?”

Yohanis 21:24

Au rein mo, Yohanis, Yesus ne mampusue wain uruni rerihon sae man waron Yesus iunare nea rei. Au iae sahoro ukanu rai pusire tau surate reini. Au na we netau anei ata sae waron urunre reini mo, pusire manisata.

Yohanis 21:7

Ne au uationai reiso uasau osi Petrus ata, “Ia rei mo, Upuri Yesus!” Sinasi Petrus waimo ipakarian reiso inosu ne papi naue wan mui. Ne iatinu au uasau, “Ia rei mo, Upuri Yesus!”. Oyo iausahu ne papi naue honu, oyo isoman na poe waene, oyo ione na ria kaimenne.