Yohanis 21:15 - Anahatana ne Anamanaya tau Sou Naunue

¹⁵ Yesus runa ami ne mampusua aima pusi, oyo Yesus iasei tau Simon Petrus ata, “Simon, Yohanis anai. Ano mo, anom runa Au te tewa renesi me netau reini anoo nnaku?” Petrus iasau ata, “E-e, Upu! Ano anei ata au mo, anoku runaya.” Oyo Yesus iahata, “Munata san rei mo, apiara sio wason oparisaa tau Au rei ia-ia, nooi sani ia mamsaka rompau iapiara ne rompau.”

Yohanis 21:15 ပူးပေါင်းရင်းမြစ်များ

Markus 14:29

Petrus iasau ata, “Upu. Masike sio pusiso oeu arihonia iae, mka au mo, ueu uarihon ano tewa.”

Lukas 12:32

Omi sahoro we mampusua. Omi mo, sani rompau waroni panesi tewa. Moa Ama anoi kaie na okatai irime ne mansiau. Reiso pene okaitau.

Lukas 22:32

Ne, Simon, uainisi osia nea na aparisaa tanuku sirinia. Reiso mka ireaya suka, aparisaa tanuku honu, saka aunau mea kaka waniu wason oparisaa na oparisaa mainae honu.”

Yohanis 1:42

Oyo Anreas irori kakai osi Yesus. Yesus inoo mai Simon ia-ia, oyo iasau osiki. Iahata, “Nanam Simon. Amam nanai Yohanis. Ne uhete nanam tau Kepas.” (Kepas nene nohue tau sou Yunani mo, Petrus. Petrus nene nohue mo, hatu.)

Yohanis 13:37

Petrus iasei honu ata, “Upu, upusua tewasi tau sae? Au mka umataku noso Ano.”

Yohanis 16:27

Tea mo, Amaku mo, anoi runamo tau omi anomo runa Au na oparisaa ata Au mo, uhokaku on roe Anahatana.

Yohanis 21:12

Oyo Yesus iahata, “Mai, na iaita!” Ia sia man ne hanaya na iasei tewa ata ia mo, ia seia. Areimo tau pusima anei ata ia rei mo, ma Upu Yesus.

Yohanis 21:7

Ne au uationai reiso uasau osi Petrus ata, “Ia rei mo, Upuri Yesus!” Sinasi Petrus waimo ipakarian reiso inosu ne papi naue wan mui. Ne iatinu au uasau, “Ia rei mo, Upuri Yesus!”. Oyo iausahu ne papi naue honu, oyo isoman na poe waene, oyo ione na ria kaimenne.

Yohanis 8:42

Yesus iasau osi sio ona Yahudiu. Iahata, “Sani munata Anahatana mo, omi mo ama, areimo omi mka anomo na Au. Tea mo, uhokaku on roe Anahatana. Au wan reini mo, uhokaku pusu ruaku we maue tewa, ne uhokaku pusu Ia wain iaisosiki ne maue.

Atata 20:28

Reiso osaka ruamo runa sio wason oparisaa pusiso. Anahatana Ne Inaha ihitimo na osakaso nea. Osaka sio wason oparisaa sani ia mamsakae isaka ne rompau. Sio ouna Anahatana ne mansiau pusu anai imatai.

Atata 20:29

Au uanei nea ata mka ueu uarihonimo, oyo sio kahatena umau ohokaso tanumo anoo runamo tewa. Sio sani asu manene anoe runa rompau tewa.

1 Yohanis 4:19

Anori na umau runa anori na Anahatana areimo, tau Anahatana anoi runa ita naone nea.

1 Yohanis 5:1

Ia seia wain iparisaa ata Yesus mo, Ia Aia wain Anahatana Ihitiki na Iapuheu Mansiau, ia reimo Amai tau Anahatana. Ia seia wain anoi runa Amari Anahatana, areimo mka anoi runa sio wason no Ama tau Anahatana.