Yohanis 21:12 - Anahatana ne Anamanaya tau Sou Naunue

¹² Oyo Yesus iahata, “Mai, na iaita!” Ia sia man ne hanaya na iasei tewa ata ia mo, ia seia. Areimo tau pusima anei ata ia rei mo, ma Upu Yesus.

Yohanis 21:12 ပူးပေါင်းရင်းမြစ်များ

Markus 9:32

Oanei sae wan iasaui rei tewa, ne omoniki, reiso oasei tanui tewa.

Lukas 9:45

Ne oanei tewa rerihoni sae wani iasaui rei. Tea mo, Anahatana iuna iakanihu Yesus ne anamanae rei na pene oaneiki. Omoniki, reiso oasei tanui tewa.

Yohanis 16:19

Yesus ianei ata nanie oasei tanui reiso iasau osiso ata, “Oasei tau umau rerihon sae wan uasaui sinasi rei si? Wamo oasei tau umau ata potuina tewa nea oyo onooku tewa nea. Ne, potuina tewa oi uhokaku honu tea?

Yohanis 21:11

Reiso Petrus isaa nau arupae oyo inesa uete rei na ria kaimenne. Uete rei mo, taue tau ika maina-mainaya. Pusire use 153. Ne masike asupu ikaya panesi san rei iae, ma uete rei wakiha tewa.

Yohanis 21:15

Yesus runa ami ne mampusua aima pusi, oyo Yesus iasei tau Simon Petrus ata, “Simon, Yohanis anai. Ano mo, anom runa Au te tewa renesi me netau reini anoo nnaku?” Petrus iasau ata, “E-e, Upu! Ano anei ata au mo, anoku runaya.” Oyo Yesus iahata, “Munata san rei mo, apiara sio wason oparisaa tau Au rei ia-ia, nooi sani ia mamsaka rompau iapiara ne rompau.”

Yohanis 4:27

Sira tau ami, Yesus ne mampusua, ahokama on poe kota. Asira tau Yesus waimo iruni runa ia pina wain isupui sinasi rei. Ne ia sia man iasei tewa arihoni ia pina rei ata, “Nanie anina sae?” Ia sia man iasei tewa tau Yesus ata, “Nanie anamana na ia pina rei tau sae?”

Atata 10:41

Sio pusiso onooi tewa. Hasae ami wani Anahatana ininima naone sahoro anooi. Asima osi sio pusiso. Aima akatai on iamahaiki honu rerihoni sio matana.