Yohanis 20:25 - Anahatana ne Anamanaya tau Sou Naunue

²⁵ Reiso ami ne mampusua tamena rei asau osi Tomas ata, “Tomas! Ami anoo Upuri nea.” Ne Tomas iahata, “Uparisaa tanumo tewa. Kahurae ruaku unoo ne paku nahaya mai hanai. Kahurae uakahuu ne apate nahaya mai hanai na unusu hanaku noi apate nahae noi nusui anae rei.”

Yohanis 20:25 ပူးပေါင်းရင်းမြစ်များ

Markus 16:11

Ne oatinu ata Yesus wain iamahaiki honu. Oatinu ata Maria inooi nea, ne oparisaa tewa.

Markus 16:13

Reiso onunso, oyo orun osi no netau. Oahata, “Ira oe! Ami anoo Yesus wain iamahaiki honu!” Ne no netau rei oparisaa tewa sinia.

Markus 16:14

Tau muie, Yesus iatuhete ruai osi ne mampusua hutusa rahana osa pannuhu wason oaiso. Iasau nioi mainae. Tea mo, sio opisa unuo tewa na unuo onata reiso oparisaa tau sio wason orun-run rei tewa. Orun ata onoo Yesus wain iamahaiki honu nea.

Lukas 24:25

Yesus iasau osiso. Iahata, “Omi mo pikiran raeu tewa tau sae rei? Oparisaa tewa tau sae waron sio mamsima runa Anahatana ne maunauna oasau runare nea rei tau sae?

Yohanis 1:41

Anreas inuniki on pan Yesus oyo ieui inina kakai Simon sansana. Isupui, oyo iasau osiki. Iahata, “Anoo! Ami asupu Ia wain sio oiki tau Mesias nea.” (Sio oiki tau Kristus oi. Kristus nene nohue mo, Ia Aia wain Anahatana Ihitiki na Iapuheu Mansiau.)

Yohanis 20:27

Oyo iasau osi Tomas ata, “Tomas, mai na anoo we apata nahaya waron hanaku reini na akahuure na hanam nakata. Nusu hanam mai we apate nahae wan mai nusuku anae rein. Pene anom resama-samai, ne aparisaa!”

Yohanis 21:7

Ne au uationai reiso uasau osi Petrus ata, “Ia rei mo, Upuri Yesus!” Sinasi Petrus waimo ipakarian reiso inosu ne papi naue wan mui. Ne iatinu au uasau, “Ia rei mo, Upuri Yesus!”. Oyo iausahu ne papi naue honu, oyo isoman na poe waene, oyo ione na ria kaimenne.

Yohanis 6:30

Oasei ata, “Munata sani rei mo, masi auna sima-simane isa wan retuhete ata me kawasa arihon Anahatana osima mai. Mka anoo na aparisaa ata Ano mo, Anahatana iaisosia mai rei! Reiso nanie auna sae?