Yohanis 20:22 - Anahatana ne Anamanaya tau Sou Naunue

²² Oyo iauhona ne nusete osima iahata, “Atarima Anahatana ne Inaha.

Yohanis 20:22 ပူးပေါင်းရင်းမြစ်များ

Yohanis 14:16

Oyo mka uainisi na Amaku iauwatu Ia isa na iakahaimo ikati Au. Mka iruei ikatamo rotu-tu ria supan.

Yohanis 15:26

Mka tau muie uaisosi Anahatana ne Inaha on roe Amaku na iakahaimo. Mka iatuhete maunauna waron manisata rerihon Anahatana osimo. Anahatana ne Inaha mka isima rerihoni Au.

Yohanis 16:7

Nanie uasau sae wan manisate osimo. Ne sani ununiku, areimo iake osimo. Areimo tau sani ununi tewa, mka Amaku ne Inaha ihoka tewa na iakahaimo tewa. Ne sani ununiku mo, mka uaisosi ne Inaha ihoka na iakahaimo.

Yohanis 20:21

Yesus iasau honu ata, “Uainisi na Anahatana iunamo okarihuru oamahai. Uaisosi omi oaunau sio mai tuniai reini noo sani Amaku iaisosi Au oi.”

Yohanis 20:23

Sani anomo rasaa tewa tau ia sia man wain ipalalosa, Anahatana iae isiru heu ne rosau oi. Ne sani anomo rasaa sinia, Anahatana iae isiru heu rosau tewa oi.”

Yohanis 7:39

Yesus waimo ianamana rerihoni Anahatana ne Inaha. Sio wason oparisaa tau Yesus mo, mka Anahatana irui ne Inaha osiso. Ne Anahatana iruiki tewasi tau Yesus imatai na isaa isupu muiran manetane roe noiyaha tewasi.”

Atata 10:47

“Masi onoo, sio rei osupu Anahatana Ne Inaha sani ita nea. Sapan na ia isa isopo na pene osohuso tau tihu na mansiau oanei ata oarihoni no rosau nea?”

Atata 19:2

Isupuso, oyo iasei tanso, “Omi osupu Anahatana Ne Inaha nea pannuhu omi oparisaa?” Sio on poe oasau san rei, “Tewasi. Ami atinu tewasi ata Anahatana Ne Inaha wain.”

Atata 2:38

Iahata, “Arihoni mo rosau, oyo ami asohumo na mansiau oanei ata oarihoni no rosau nea. Asohumo sana osa-osa na sio oanei ata anomo osa runa Yesus Kristus. Arihoni mo rosau na Anahatana iuna heure. Oyo asupu Anahatana Ne Inaha wain Anahatana iruiki osia.

Atata 2:4

Anahatana Ne Inaha irui kawasa osi pusiso, oyo oanamana tau sou waron sio ruao oaneire tewa.

Atata 4:8

Oyo Petrus isupu kawasa rerihoni Anahatana Ne Inaha reiso iasau san rei, “Omi ona Yahudiu.

Atata 8:15

Hoka poe oyo, uaso oainisi na sio Samariau rei osupu Anahatana Ne Inaha.