Yohanis 20:2 - Anahatana ne Anamanaya tau Sou Naunue

² Reiso, iruma inina Simon Petrus runa au, Yesus ne mampusue wain anoi runaku, na isima osima. Iahata, “Sio onana Upuri ne tihane hatae arihon kupuro anoe nea. Ne ami anei tewa ata sio oaunutui sui supa!”

Yohanis 20:2 ပူးပေါင်းရင်းမြစ်များ

Yohanis 13:23

Au, ne mampusue wain sio oiku tau “ia wain Yesus anoi runai” urue haineke Yesus.

Yohanis 19:26

Yesus inoo inai na au, ne mampusue wain anoi runaku, wan aooma noi rei. Iasau osi inai ata, “Ina, oni orase repan, ia mo, ano anam tau ia rei.”

Yohanis 20:13

Oyo oasei tau Maria ata, “Ano pina onate, arani tau sae rei?” Maria iasau ata, “Sio onana Upuku ne tihane hatae arihon rein nea. Samatoro uanei tewa ata oaunutui sui supan.”

Yohanis 20:15

Oyo Yesus iasau osiki ata, “Ano pina onate, arani tau sae rei? Anina ia seia?” Maria ata kan ia rei mo, ia mamsaka nisi rei. Reiso iasau ata, “Upu! Sani munata ano sahoro anana Upuku ne tihane hatae mo, asau osiku mai. Aunutui sui supa na ueu unanai.”

Yohanis 20:9

Ami anei tewasi ata sae waron sio okanure tau Anahatana ne anamanaya waron oasaure ata, Yesus mo, kahurae iamahaiki honu.

Yohanis 21:20

Petrus iuni inoo mo, au wan upususo. Au sahoro urue haineke Yesus tau naone arue ai karisaa ami Yahudiu anoma rapeka na ma upu momou oeu arihon otoe Mesir rei. Oyo uasei tau Yesus ata, “Upu, ia seia wain mka iahenia?”

Yohanis 21:24

Au rein mo, Yohanis, Yesus ne mampusue wain uruni rerihon sae man waron Yesus iunare nea rei. Au iae sahoro ukanu rai pusire tau surate reini. Au na we netau anei ata sae waron urunre reini mo, pusire manisata.

Yohanis 21:7

Ne au uationai reiso uasau osi Petrus ata, “Ia rei mo, Upuri Yesus!” Sinasi Petrus waimo ipakarian reiso inosu ne papi naue wan mui. Ne iatinu au uasau, “Ia rei mo, Upuri Yesus!”. Oyo iausahu ne papi naue honu, oyo isoman na poe waene, oyo ione na ria kaimenne.