Yohanis 2:2 - Anahatana ne Anamanaya tau Sou Naunue

² Yesus runa ami, ne mampusua iae, sio oima tau ahokama tau karisaa rei oi.

Yohanis 2:2 ပူးပေါင်းရင်းမြစ်များ

Yohanis 2:12

Pusi oyo, Yesus na inai, ne waniu, runa ne mampusua oeuso na pan kota Kapernaum. Orueso pan rei onona inasa asi.

Yohanis 2:17

Yesus ne mampusua onoo Yesus iuna sani rei, oyo anoo rapeka runa sae wan okanui tau Anahatana ne anamanaya. Okanu ata Ia Aia wain Anahatana Ihitiki na Iapuheu Mansiau iasau, “Anoku runa me numa mainisie. Reiso onesiku rotu-tu umataku iae iake sirinia. Hete sae, oamuira me numa.”

Yohanis 2:22

Imatai, oyo iamahaiki honu, samatoro ami, ne mampusua, anoma rapeka runa sae wan naone iasau rerihoni Anahatana ne numa mainisie rei. Anoma rapeka oyo, aparisaa Anahatana ne anamanaya waron raasau ata Ia Aia wain Anahatana Ihitiki na Iapuheu Mansiau mka iamahaiki honu. Aparisaa ata sae waron Yesus iasau runare reimo, titue.

Yohanis 2:3

Ne karisaa pusiki tewasi, tihu anggur pusire nea. Reiso Yesus inai iasau osiki iahata, “Ama! No tihu anggur pusire nea.”

Yohanis 3:22

Taue isa Yesus ieu ikata ami ne mampusua pan otoe Yudea. Aruema pan rei na asohuso na mansiau oanei ata oarihoni no rosau nea.

Yohanis 4:2

Aikee Yesus sahoro isohuso tewa. Ne ne mampusua sahoro osohuso.

Yohanis 4:33

Reiso ami asei tau umau oahata, “Pene tu-tu sio umau orori muaina osiki nea te sae rei?”

Yohanis 6:12

Pusiso oaiso tiao pokona oyo Yesus iasau osi ne mampusua. Iahata, “Oeu oamanou muaina nesia rai ee. Pene pesi sai-saire.”

Yohanis 6:16

Resou-sou nea, ami, Yesus ne mampusua, amusuma nau nakane wani nanae Galilea.

Yohanis 6:60

Sio panesi wason opusu Yesus oatinu iruni rerihoni poroti rei oasau ata, “Maunaune reini mo, mtinte mainae. Ia sia man ianei kuai tewa.”

Yohanis 6:66

Oni orase reini, sio panesi wason opusui rei, oeu oarihoniki na openeso oeu pusui nea.

Yohanis 6:67

Oyo Yesus iasei tau ami, ne mampusua hutusa rahana ua rei. Iahata, “Pene tu-tu omi iae nanie oeu oarihoniku oi?”

Yohanis 6:70

Oyo Yesus iasau ata, “Masike Au ruaku sahoro uroma omi hutusa rahana ua reini tau we mampusua, ne ia isa arihoni omi reini mo, mka ipusu ia aia sakahatene ne maue.”

Yohanis 6:71

Yesus ianamana rerihoni Yudas. Yudas mo, amai tau Simon on pan nia Iskariot. Masike ia mo, ia isa arihon Yesus ne mampusua hutusa rahana ua rei iae, mka iaheniki sinia.

Yohanis 6:8

Ne Yesus ne mampusue isa honu wain nanai Anreas. Ia mo, Simon Petrus wanin. Iasau osi Yesus ata,

Yohanis 7:3

Yesus ne waniu oasau osiki ata, “Nene iake mo, aeua poe otoe Yudea na auna sima-simana arihon Anahatana poe rei na me mampusua rei onoore.

Atata 11:26

Hoka nau oyo, isupui, oyo iautunui ria Antiokhia. Reiso hoka ria oyo, sio oamanouso runa sio wason oparisaa. Oatuhete sio panesi rotu-tu musum osa. Ria Antiokhia rei sio mato oaoi sio wason oparisaa tau sio Saraneu.

Atata 11:29

Reiso sio mampusua oapamata sou nanie oauwatu kepen osi no netau wason oparisaa rei pan otoe Yudea. Sio pusiso orui pusu ruao no kepen waromo sapan.