Yohanis 2:16 - Anahatana ne Anamanaya tau Sou Naunue

¹⁶ Oyo iasau osi sio wason oahen manu puana rai ata, “Oeumo runa mo manua rai! Pene ouna Au Amaku ne numa mainisie reini mo tau naniamo ohane oahen.”

Yohanis 2:16 ပူးပေါင်းရင်းမြစ်များ

Markus 11:17

Oyo Yesus iatuhete sio panesi kua tihue rei. Iahata, “Tau Anahatana ne anamanaya, sio okanu san rei, Anahatana iasau ata, ‘Au we numa mo, mka sio ooiki tau numa mainisie osi sio niana-niana.’ Ne omi wan ounai tau sio kimanakana naniao nea.”

Lukas 2:49

Yesus iahata, “Nanie oninaku tahae? Oaneiku tewa? Au mo, kahurae Au wan mai Amaku ne numa!”

Yohanis 10:29

Amaku sahoro iruiso osiku. Amaku mo, Ia mainae inesi ia seia man. Reiso ia seia man iwahuso arihon Amaku hanai anoe tewa.

Yohanis 2:15

Inoo san rei reiso isapa kasapute isa arihon awane. Oyo inei pusiso arihon Anahatana ne numa mainisie runa no koropou na no rompau pusire oi. Iuni hehi sio wason saka orue otuka kepen rei no meyau na iuna iahurara no kepen pusire oi.

Yohanis 20:17

Oyo Yesus iasau osiki ata, “Pene akahuu Au. Tea mo, ununiku roe Amaku tewasi. Ne eu na sima osi we kaka wani wason oparisaa tau Au ata Au nanie ununiku roe Amaku Anahatana wain uainaa nnai. Ia iae omi mo Ama na Anahatana wain oainaa nnai oi.”

Yohanis 5:17

Ne Yesus iasau osiso. Iahata, “We amau. Au Amaku mo, ipakarian onone ranie rotu-tu ranie hatae repan, masike reimo ranie hatae wani iamuira Anahatana oi. Reiso, Au iae, kahurae upakarian oi. Masike rei mo, ranie hatae wani iamuira Anahatana oi.”

Yohanis 8:49

Yesus iahata, “Au mo, sakahatene remasuniku tewa. Au mo, uamuira Amaku, ne omi oamuira Au tewa.

1 Timotius 6:5

Sio wason san rei, otuntana runa umau sui osa. Tau sae, sio oarinii kahatene. Sio oanei maunau titue tewa nea. Sio oahata oamahaiso ouna sae waron Anahatana ne suka man, mka osupu kepen panesi.