Yohanis 19:34 - Anahatana ne Anamanaya tau Sou Naunue

³⁴ Ne ia tantara isa isipa Yesus nusui anae tau atiene. Oyo nasi wan renehu tihu on pan reana.

Yohanis 19:34 ပူးပေါင်းရင်းမြစ်များ

Yohanis 19:33

Ne ohokaso mai Yesus, onoo wain ipanokoi nea. Reiso, okuparehi ain atua tewa nea.

Yohanis 20:20

Oyo iatuhete ne apata nahaya mai hanai na poe nusui anae rei osima. Taa anoo ma Upu san rei, oyo anoma mirika.

Atata 22:16

Reiso anapa sae rei? Hanu roe na ainisi na Anahatana iuna heu me rosau oyo osohumo na mansiau oanei ata oarihoni mo rosau nea.’

Titus 2:14

Irui ruai na imatai inete ita. Imatai na iusi re rosau. Imatai na irui kawasa osita na ipalalosa tewa nea. Irui ruai na imatai na ita iuna ne mansiau. Ne mansiau wani iamauna iuna iake.

1 Yohanis 5:6

Yesus Kristus sahoro Ia wain ihokai on roe noiyaha mai tuniai reini. Yohanis isohu Yesus tau tihu, oyo tau imatai, ne nasi reroti. Ia mo, ihokai tewa na Yohanis isohui man. Ne Ia iae, ihokai na ne nasi reroti rotu-tu imatai. Anahatana ne Inaha iatuheteta ata areini mo, titue. Tea mo, ne Inaha iatuhete sae wan titue sui osa.

1 Yohanis 5:8

Tonre nene sou osa. Osa, ianei tau Anahatana Ne Inaha isima runa sae wan titue rerihoni Yesus. Ua, ianei arihon sae wan Anahatana iasau nnai tau Yohanis isohu Yesus tau tihu. Tonu, ianei tau Yesus ne nasi reroti na imatai.