Yohanis 19:28 - Anahatana ne Anamanaya tau Sou Naunue

²⁸ Yesus ianei nea ata tanei waron Anahatana iaisosiki iunare rei mo, iuna pusire nea. Ne ianei ata sio okanu tau Anahatana ne anamanaya reiso iasau ata, “Anoku kasae.”

Yohanis 19:28 ပူးပေါင်းရင်းမြစ်များ

Lukas 12:50

Ne Au mo, kahurae sinsaraku rotu-tu umataku naone ee. Reiso anoku mtinte mainae, on pusire rayari tewasi.

Lukas 18:31

Yesus ioi ne mampusua hutusa rahana ua na sio ruao man oyo iasau osiso. Iahata, “Nanie ieuta roe kota Yerusalem. Mka pusire waron Anahatana ne sio mamsima runa ne maunauna okanu rerihoni Au Tumata Reini Anahatana Ihitiku, mka pusire raeu roe rei.

Lukas 22:37

Tea mo, ia mamsima runa Anahatana ne anamanaya ikanu rerihoni Au nea. Reiso rei kahurae ereeu sani sae wan iasaui rei. Ikanu, ‘Ounai sani Ia mo, Ia kahatene.’ Reiso nanie ouna Au sani Au kahatene.”

Lukas 9:31

Uaso osita haaso. Uaso oanamana runa Yesus rerihoni mka imatai roe Yerusalem sani naone sio mamsima runa Anahatana ne maunauna oasau rei.

Yohanis 13:1

Nene hanroe nanie karisaa anoma rapeka na Anahatana ihoka ma upu momou arihon otoe Mesir. Yesus ianei nea ata nene orase nea tau ieui iarihon tuniai rein na inuniki roe Amai. Anoi runa ami, ne mampusua, wan akatai mai tuniai rein na nanie iatuhetema ata anoi runama rotu-tu imatai iarihonima.

Yohanis 17:4

Uamuiraya mai tuniai rein. Tea mo, Au una pusire waron aisosiku unare nea rei.

Yohanis 18:4

Ne Yesus ianei nea na sae wan mka reyari tanui. Reiso ieu isupuso oyo iasei tanso ata, “We amau, nanie onina ia seia?”

Yohanis 19:24

Reiso oasau mai umau ata, “Nene iake mo, pene ikihai nea ne mai na irehi katoite na inoo ia sia sahoro isupui.” Rai pusire raeu sani sae waron naone okanure tau Anahatana ne anamanaya waron oasau san rei, “Osama-sama we apia osi umau. Orehi katoite tau we papi naue.” Reiso ouna san sae wan okanui tau Anahatana ne anamanaya rai.

Yohanis 19:30

Yesus iahana tihu anggur wan maninue rei oyo iasau ata, “Au una pusire nea.” Oyo ikanahatai oyo watipusi nahai.

Yohanis 19:36

Sio tantarau rei okuparehi ain atua tewa. Areimo, ereeu san sae wan sio okanu tau Anahatana ne anamanaya san reini, “Ne unia isa tewa oi, okuparehiki tewa.”

Yohanis 4:34

Oyo Yesus iasau osiso, “Amaku Anahatana iaisosiku na upusu ne maue na una sae waron inina na Au unare. Uamahaiku na una san rei, areimo sani Au we muaina.

Atata 13:29

Oaisosiso ohunui, reiso ouna pusire osiki nea waron sio mamsimana okanure tau Anahatana ne anamanaya, oyo sio umau honu oaputunui on roe hini wani reniene, samatoro oaunutui pan hatu nohue.