Yohanis 18:37 - Anahatana ne Anamanaya tau Sou Naunue

³⁷ Oyo Pilatus iasei ata, “Munata san rei, Ano rein mo, Ano Aia, tea!” Oyo Yesus iahata, “Ano asau ata Au mo, Au Aia. Areimo titue. Uamrae mai tuniai na una Aia. Uhokaku mai tuniai rein na usima rerihoni sae wan manisate. Ia sia wain inina sae wan manisate mo, mka iatinu tau Au.”

Yohanis 18:37 ပူးပေါင်းရင်းမြစ်များ

Markus 14:62

Iahata, “Au wan rei nea rei tea. Mka pusimo onoo Au, Tumata Reini mo, Anahatana Ihitiku, urue mai Ia wain Ne Kawasa hanai wanane. Mka uhokaku honu on roe nante pan yahu anoa.”

Markus 15:2

Hoka poe, oyo Pilatus iasei tanui ata, “Areimo mansate? Ano sahoro auna natu tau sio Yahudiu si?” Iahata, “E-e. Areimo sani ano wamo asaui rei tea!”

Lukas 22:70

Pusiso oasei, oahata, “Munata san rei, Ano reini mo, Anahatana Anai si?” Yesus iahata, “Omi ruamo sahoro oasau ata Au mo, Anahatana Anai.”

Lukas 23:3

Reiso Pilatus iasei tau Yesus. Iahata, “Titue si? Ano mo, sio Yahudiu no ia Aia si?” Yesus iahata, “Ano sahoro asau tea.”

Yohanis 1:14

Reiso Sou rei iamrae iuna mansia. Irue ikataso mai tuniai reini. Onoo ne kawasa nea. Ihokai on roe Amai Anahatana. Amai irui kawasa osiki. Ia mo, Ia osa ruai man. Masike mansiau opalalosa iae, irui iake mainae osiso sirinia. Iatuheteso runa sae wan manisate rerihoni Anahatana.

Yohanis 1:17

Tea mo, Anahatana irui ne maunauna osi Musa na isima runare osi rea upu momou. Ne, pusu Yesus Kristus, Anahatana iatuheteta ata, masike ita ipalalosa iae, irui iake mainae osita sirinia. Isima runa sae wan manisate.

Yohanis 14:6

Yesus iahata, “Au sahoro arena na oeu roe Amaku. Au sahoro uatuhete sae wan manisate rerihoni Anahatana. Au oi, sahoro una mansia oamahaiso okata Anahatana rotu-tu ria supan. Hasae Au sahoro una arena na oeu roe Amaku.

Yohanis 3:32

Isima rerihoni sae waron inoo runa iatinure roe noiyaha nea. Ne sio panesi oparisaa tau sae waron iasau runare rei tewa.

Yohanis 7:17

Ia seia nanie ipusu Anahatana ne maue mo, mka ianei ata sae waron Au uatuhetere reini mo, rahoka arihon Anahatana te arihon Au ruaku.

Yohanis 8:14

Yesus iahata, “Masike usima na ruaku, ne sae wan uasau runai rei mo, pusire titue. Areimo, tau uanei ata Au mo, uhokaku on roe noiyaha. Na Au iae uanei ata mka ununiku roe rei honu. Ne omi mo, oanei tewa, Au on supa na mka ununiku sui supan.

Yohanis 8:45

Ne Au we maunauna mo, manisata. Reiso openemo oparisaa tau Au.

Yohanis 8:46

Upalalosa tewa reiso sia man arihon omi reini mka iatuhete we rosa isa wani unai tewa. Uatuhete sae wan manisate, reiso nanie oparisaa tanuku tewa tau sae?

Yohanis 8:47

Ia sia wain iuna Anahatana ne mansia mo, mka iatinu Anahatana ne maunauna. Ne omi mo, Anahatana ne mansiau tewa, reiso oatinure tewa.”

1 Timotius 6:13

Au uaisosia na Anahatana wain iapuhai pusire runa Kristus Yesus wain iamanaku sae wani iake osi Pontius Pilatus onoo. Au uaisosia san rei:

1 Yohanis 2:21

Ukanu surate reini osimo na uasau ata oanei maunaune wan titue rei mo, tewa. Ne wan ukanu surate reini osimo, areimo tau omi oanei sae wan titue nea. Oanei ata maunau makarotane rehokai arihon Anahatana tewa. Hasae sae wan titue sahoro rehokai arihon Anahatana.

1 Yohanis 3:14

Ianei nea ata naone irue hainau arihon Anahatana, reiso noo sani imatata. Ne muie reini iamahaita ikata Anahatana. Tea mo, anori runa re kaka waniu wason oparisaa tau Kristus. Ia seia wain anoi runa mansia tewa, noo sani imatai.

1 Yohanis 3:19

Sani anori na umau, ianei nea ata ita mo, ipusu maunauna waron titue. Reiso mka iainisi arihon Anahatana, anori kuruta.

1 Yohanis 4:6

Ne ami, Yesus ne maisosia mo, ma Ama tau Anahatana. Reiso ia seia iationa Anahatana, areimo iatinu tau ma maunauna. Ne ia seia wain Amai tau Anahatana tewa, areimo iatinu tau ma maunauna tewa. Reiso ianei ata kani sio oatuhete sae wan titue na ianei ata kani sio oatuhete sae wani titue tewa.

1 Yohanis 5:20

Ianei oi ata Anahatana Anai ihokai mai tuniai reini nea. Ia sahoro ihuka arena na ita iationa Anahatana wain Ia manisate. Anori osa na Anahatana wain Ia manisate rei. Tea mo, anori osa na Anai, Yesus Kristus, wain Ia manisate rei. Ia mo, titue Ia Anahatana na Ia sahoro iapuheuta na iamahaita ikata Anahatana rotu-tu ria supan.