Yohanis 18:33 - Anahatana ne Anamanaya tau Sou Naunue

³³ Oyo Pilatus inusui pani ne numa honu. Oyo ioi Yesus oyo iasei tanui ata, “Titue si? Ano mo, sio Yahudiu no Ia Aia si?”

Yohanis 18:33 ပူးပေါင်းရင်းမြစ်များ

Markus 15:2

Hoka poe, oyo Pilatus iasei tanui ata, “Areimo mansate? Ano sahoro auna natu tau sio Yahudiu si?” Iahata, “E-e. Areimo sani ano wamo asaui rei tea!”

Lukas 23:2

Hoka poe, oyo oamanaru Yesus. Oahata, “Upu! Asupu Ia reini iatuhete ma mansiau na onesi kupania mai ma otoe. Isoposo na pene osenu peau osi Ia Aia Mainae Roma. Iasau ata Ia mo, Ia Aia wain Anahatana Ihitiki na Iapuheu Mansiau. Na iasau ata Ia mo, Ia Aia.”

Yohanis 1:49

Pusi, oyo Natanael iasau iahata, “Ano Ona Matuhetene! Au mato uanei reini ata Ano mo, titue-tue Anahatana Anai. Ano mo, ita Israel ma Ia Aia!”

Yohanis 12:13

Reiso, oeu onana ai sanaya oyo oeu hokaso arihon kota nanie onapa Yesus. Oakapona ata, “Ainaa na Anahatana! Arui iake osi Ia wain ihokai tau ma Upu Anahatana nanai. Arui iake osi ami Israel ma Aia reini.”

Yohanis 12:15

“Omi Yerusalem, pene okaitau! Masi onoo! Omi mo Ia Aia wain ihokai nea. Isaa keledai anae isa.”

Yohanis 18:34

Yesus iahata, “Asei san rei mo, arihon ruam te sio umau oaisosia asei tanuku san rei?”

Yohanis 18:37

Oyo Pilatus iasei ata, “Munata san rei, Ano rein mo, Ano Aia, tea!” Oyo Yesus iahata, “Ano asau ata Au mo, Au Aia. Areimo titue. Uamrae mai tuniai na una Aia. Uhokaku mai tuniai rein na usima rerihoni sae wan manisate. Ia sia wain inina sae wan manisate mo, mka iatinu tau Au.”

Yohanis 18:38

Oyo Pilatus iasau osi Yesus ata, “Ita imaha tewa ianei sae wan manisate, tea!” Pilatus ianamana runa Yesus pusi, oyo ihokai nau mui na ianamana na sio Yahudiu wasun nau mui rei. Iasau osiso ata, “Uasei tanui nea ne usupu ne isanae isa tewa.

Yohanis 19:12

Pilatus iatinu san rei oyo inina arena na ialapasi Yesus. Ne sio ona Yahudiu rei oakapona sui osa oahata, “Ia seia man wain iasau ata ia mo, ia aia, areimo ia rei inesi ia Aia Mainae Roma. Reiso sani alapasi Ia reno, areimo anesi ia Aia Mainae oi.”

Yohanis 19:3

Oahata sui osa, “Tapea. Natu sio Yahudiu.” Oasapana uai anoe.

Yohanis 19:4

Pilatus ihokai arihon ne numa anoe honu. Oyo iahata, “Noo mai! Wan uhokai osimo na oanei ata usupu ne isanae isa man tewa oi.”

Yohanis 19:9

Reiso inusui pan ne numa anoe honu. Oyo iaisosiso orori Yesus. Oyo iasei tanui ata, “Ano mo, ano on supa?” Ne Yesus iamaturui man.

1 Timotius 6:13

Au uaisosia na Anahatana wain iapuhai pusire runa Kristus Yesus wain iamanaku sae wani iake osi Pontius Pilatus onoo. Au uaisosia san rei: