Yohanis 17:6 - Anahatana ne Anamanaya tau Sou Naunue

⁶ “Ama, uatuhete sio wason aruiso osiku rerihoni Ano nea. Naone opusu sio mai tuniai reini ne aruiso osiku nea. Sio rei mo, Ano me mansiau, ne aruiso osiku nea. Opusu me maunauna nea.

Yohanis 17:6 ပူးပေါင်းရင်းမြစ်များ

Yohanis 1:18

Ia seia man inoo Anahatana tewa. Hasae Anai osa ruai tunne wain ihaineke runai man, sahoro isima runa Amai Anahatana osita nea.

Yohanis 12:28

Reiso hasae uainisi ata, ‘Ama, atuhete osi mansiau ata Ano mo, Ano mainae nai osa.’” Sira tau oatinu nioke isa on roe nante. Iasau ata, “Au uatuhete osi mansiau nea ata Au mo, Au mainae nai osa. Na Au mo, mka una mansia onoo we kawasa mainae honu.”

Yohanis 15:19

Sinana omi anomo osa na sio mai tuniai reini wason openeso tau Anahatana mo, mka anoo runamo sani anoo runa no mansiau. Ne omi mo, anomo osa na sio rei tewa. Tea mo, uroma omi nea na pene okata sio mai tuniai reini. Reiso openeso tanumo.

Yohanis 15:3

Omi mo, noo sani sanaya waron iseka tanre nea na nanie ohoka huaya nea. Tea mo, oparisaa tau maunauna waron uaunaumo tanure rei nea.

Yohanis 15:7

Ne sani oamahaimo anomo osa runa Au sui osa na orime kuru we maunauna sui osa mo, oainisi sae man wan oninai arihon Amaku, mka irui sae wan oainisiki rei osimo.

Yohanis 17:12

Oni ukataso asi mo, usakaso na we kawasa wan Ano aruiki osiku rei. Usaka runaso na okataya rotu-tu ria supan. Hasae ia osa man sahoro tewa. Ia rei mo, mka ikataya rotu-tu ria supan tewa na reeu san sae waron sio okanure tau me anamanaya.

Yohanis 17:14

Usima na me maunauna osiso nea. Reiso sio wason oparisaa tau Au tewa mai tuniai rein openeso tanso. Tea mo, sio sani Au, anoo osa na sio mai tuniai wason oparisaa tanua tewa.

Yohanis 17:16

Sio rei mo, anoo osa tewa na sio wason oparisaa tau Au tewa wason mai tuniai rein. Noo sani Au iae anoku osa na sio rei tewa.

Yohanis 17:2

Tea mo, arui kawasa tau mansia pusiki osiku nea na Au una sio pusiso wason aruiso osiku rei oamahaiso okataya rotu-tu ria supan.

Yohanis 17:24

Ama. Unina na sio wason aruiso osiku nea rei okataku roe naniaku na onoo Ano amuiraku. Ano amuiraku, areimo tau anom runaku oni tuniai reini remrae tewasi.

Yohanis 17:26

Au uatuheteso reiso oationaya nea. Mka uatuheteso san rei sui osa na anoo na umau, noo sani anom na Au runa anoku osa nnaso oi.”

Yohanis 17:7

Muie rein oanei nea ata sae man waron uaunaure na unare rei mo, pusire on roe Ano.

Yohanis 18:9

Yesus iasau san rei na sae wan iasaui naone rei reeu. Naone iasau ata, “Ia isa arihon sio pusiso wason aruiso osiku rei, usakaso na okatata rotu-tu ria supan.”

Yohanis 6:37

Ia sia man wain Amaku iruiki na ouna we mansiau rei mo, mka oeuso mai tanuku. Na ia sia wain ihokai mai tanuku mo, mka uapusaa pusiso. Uneiso tewa.

Yohanis 6:39

Amaku iaisosiku rei mo, ne maue na ia seia man wain iruiki osiku nea rei mo, pene iamaninui. Ne ne maue na iapuhai sio pusiso honu pannuhu tuniai reini repena.

Yohanis 8:51

Oatinu mai ia-ia, nanie uasau osimo. Ia seia ipusu we maunauna, ia mo, mka imata rotu-tu ria supan tewa.”

Yohanis 8:52

Oyo sio ona Yahudiu rei oahata, “Mato anei ia-ia ata Ano mo, sakahatene remasunia. Ma upu Abraham imatai nea. Na sio mamsima runa Anahatana ne maunauna omataso nea oi. Ne Ano asau ata sio wason oatinu tau me maunauna mo, mka omata tewa.

Atata 13:48

Sio wason sio Yahudiu tewa oatinu tau rei, sio anoo mirika. Reiso oainaa runa Anahatana san rei, “Upuma, Anahatana. Ano me maunaune rei rerihoni Yesus wani iake nai osa. Reiso ami ainaa runaya.” Sio pusiso wason Anahatana ininiso na oamahaiso rotu-tu ria supan oparisaa tau Yesus.

2 Timotius 1:13

Asaka na aunauso tau maunau titue rai waron ano atinu rerihoni au. Aunauso aparisaa tau Kristus Yesus. Anomu runa Anahatana runa tumatau pusiso. Aparisaa tau Kristus Yesus iakahaia. Anomu runaso tau Kristus Yesus iakahaia.

1 Yohanis 5:20

Ianei oi ata Anahatana Anai ihokai mai tuniai reini nea. Ia sahoro ihuka arena na ita iationa Anahatana wain Ia manisate. Anori osa na Anahatana wain Ia manisate rei. Tea mo, anori osa na Anai, Yesus Kristus, wain Ia manisate rei. Ia mo, titue Ia Anahatana na Ia sahoro iapuheuta na iamahaita ikata Anahatana rotu-tu ria supan.