Yohanis 17:15 - Anahatana ne Anamanaya tau Sou Naunue

¹⁵ Uainisi na ananaso arihon tuniai reini mo, tewa. Ne uainisi na asakaso arihon ia aia sakahatene wain saka iuna kahatene rei.

Yohanis 17:15 ပူးပေါင်းရင်းမြစ်များ

Lukas 11:4

Siru heu ma isanaya. Tea mo, ami iae, anoma rasaa tewa tau sio wason ouna isanae tanuma rei. Anetema na apalalosa tewa.”

Lukas 22:32

Ne, Simon, uainisi osia nea na aparisaa tanuku sirinia. Reiso mka ireaya suka, aparisaa tanuku honu, saka aunau mea kaka waniu wason oparisaa na oparisaa mainae honu.”

2 Tesalonika 3:3

Ne ita iparisaa Upuri iake. Reiso ianei ata mka iakahaimo oparisaa ia-ia sirinia. Ianei ata mka inetemo na pene ia aia sakahatene iakarotamo.

2 Timotius 4:8

Reiso sani ia iapataruna wain ne untu isupu piala, Anahatana iaunutu sae isa osi au oi tau anoku manisate. Upuri wain iarinii ia sia wain manisate na ia sia wain manisate tewa. Ia mo, Ia manisate. Mka irui piala osiku. Mka iariniita oyo iruiki. Ne iruiki osi au ruaku tewa. Mka iruiki osi sio pusiso wason anoo rarihu na ihokai mai tuniai reini honu.

1 Yohanis 5:18

Ianei ata ia sia wain Amai tau Anahatana nea mo, ipalalosa sui osa tewa nea. Tea mo, Anahatana Anai isakai. Reiso, ia aia sakahatene, wain ia kahatene mainae, mka imunai tewa.

1 Yohanis 5:19

Ianei ata ita mo, Amari tau Anahatana, ne ia aia sakahatene mo, ne kawasa tau sio pusiso mai tuniai reini wason oationa Anahatana tewa.