Yohanis 17:13 - Anahatana ne Anamanaya tau Sou Naunue

¹³ Ama, nanie ununiku roe tanua nea. Ne uasau raini pusire oni Au wan tuniai reini asi na we mampusua anoo mirika, nooi sani Au iae anoku mirike oi.

Yohanis 17:13 ပူးပေါင်းရင်းမြစ်များ

Yohanis 13:3

Yesus ianei nea ata Amai irui kawasa osiki tau sae man. Ianei nea oi ata ihokai on roe Anahatana na mka inuniki roe Anahatana honu.

Yohanis 15:11

Usima na pusire osimo reini na anomo mirika sani Au oi. Na anomo mirika ia-ia.

Yohanis 16:33

Uasau raini pusire na anomo kaia noso anomo osa runa Au. Omi mo, mka sinsaramo mai tuniai reini. Ne omi mo, kahurae oapamese anomo. Tea mo, unesi sio wason onesiku mai tuniai reini nea.”

Yohanis 17:11

Mka urueku mai tuniai reini potuina tewa nea. Areimo tau nanie ununiku roe tanua nea. Ne sio mo, wason mai tuniai reini asi. Ama, Ano wan manisate onate, sakaso na me kawasa wan aruiki osiku rei. Sakaso na pusiso anoo osa, nooi sani ita ua wan anori osa.

Yohanis 3:29

Atieu rei sani Ia mo, Ia hanaie wain iaisenei. Au mo, sani ne neta. Ne neta inapai ihoka. Ne neta rei iatinu nioi, anoi mirike. Arei iae nooi sani au oi. Anoku mirike nai osa tau uatinu sae wan iasaui rei osiku.

Yohanis 7:33

Reiso Yesus iasau osi sio panesi rei. Iahata, “Mka ukatamo potuina tewa nea. Nanie ununiku na urueku ukata Amaku wain iaisosiku uhokaku mai reini.

Atata 13:52

Sio mampusua poe kota Antiokhia anoo mirika. Osupu kawasa rerihoni Anahatana Ne Inaha sirinia.

1 Yohanis 1:4

Reiso wan ukanu surate reini na pusita anori miri-mirika nai osa.

2 Yohanis 1:12

Panesi waron nanie ukanure osimo asi. Ne upeneku ukanure tau surate man. Ne unina na potuina tewa nea ruaku ueuku pan tanumo na usupumo na ianamana osi umau. Uanamana osimo san rei mo, mka pusita anori miri-mirike nai osa.