Yohanis 16:20 - Anahatana ne Anamanaya tau Sou Naunue

²⁰ Oatinu mai ia-ia, nanie uasau osimo. Omi mo, mka orani oasanoata. Ne sio mai tuniai reini mka anoo mirika. Mka anomo mtinta, ne mka anomo mirika honu.

Yohanis 16:20 ပူးပေါင်းရင်းမြစ်များ

Markus 14:72

Mata hun tewa oyo, manue retunkeko honu. Retunkeko nai ua nea. Oyo Petrus anoi repeka na Yesus ne anamanae. “Mka-mka mono repan, manue retunkeko nai ua tewasi oi mo, ano auhaa nai tonu nea ata ationaku.” Reiso Petrus iran anoi repunoko nai osa.

Markus 16:10

Reiso Maria, ia pina Magdalena rei, ieu isima ata inoo Yesus wain iamahaiki honu. Isima osi sio wason naone okata Yesus. Sio rei wason orani oasanoata.

Lukas 22:45

Taa iainisi pusi, oyo ihitio inuniki poe ne mampusua honu. Hoka poe isupuso mo, pusiso wasupo onekeso. Onekeso tau resunso na anoo rapunoko ruao nai osa.

Lukas 22:62

Taa san rei oyo Petrus ihokai arihoni numa rei oyo irani rotu-tu iamseku makarante.

Lukas 23:27

Sio panesi iae oeu pusu-pusui hae muie oi. Sio pinau umau wasumo oi. Sio pinau rei mo, orani oapunoko Yesus.

Lukas 24:17

Oyo Yesus iasei tanuso ata, “Uamo wamo oanamana rerihoni sae reno mai arena tinain tihue reini?” Oatinu san rei oyo, uaso oaraoo rei sirinia. Uao anoa man-manna nai osa.

Lukas 24:21

Ami aunutu anoma tau Ia nea ata Ia sahoro mka iuna ita Israel isihata arihoni re nisau. Ne on naha uasi ohunui nea.

Lukas 6:21

Anahatana irui iake osi omi wan omakaneamo muie reini. Tea mo, mka tiamo pokona. Anahatana irui iake osi omi wan orani anoo rapunokomo muie reini. Tea mo, mka oaumani anomo mirika.

Yohanis 16:33

Uasau raini pusire na anomo kaia noso anomo osa runa Au. Omi mo, mka sinsaramo mai tuniai reini. Ne omi mo, kahurae oapamese anomo. Tea mo, unesi sio wason onesiku mai tuniai reini nea.”

Yohanis 16:6

Ne anomo rapunokoso tau uasau osimo ata nanie ununiku roe Amaku wain iaisosiku rei nea.

Yohanis 20:20

Oyo iatuhete ne apata nahaya mai hanai na poe nusui anae rei osima. Taa anoo ma Upu san rei, oyo anoma mirika.

Atata 5:41

Reiso ohokaso oarihoni sio onata rei. Oeuso anoo miri-mirika. Tau sae, Anahatana iahata sio iaka, reiso itapiso ouna sinsaraso noso Yesus.

1 Tesalonika 1:6

Omi mo, omi wani oamahaimo sani ami amahaima. Omi wani oamahaimo sani Upuri iamahaiki. Areimo, masike sio ounamo sinsaramo mainae, omi oatinu tau maunauna anomo miri-mirika. Anahatana Ne Inaha sahoro iuna anomo miri-mirika.

Yakobis 1:2

Wea kakau waniu, hutu nohue. Omi oanei nea ata sui supa man osinsaramo noso oparisaa tau Anahatana ne oparisaa sirinia. Mka oparisaa tanui rotu-tu omatamo. Osinsaramo ne oparisaa sirinia. Reiso sani osinsaramo, kahurae anomo mirika